Źjaviłasia novaja teoryja śmierci dynazaŭraŭ: jany prosta atrucilisia
Nas zaŭsiody vučyli, što dynazaŭry vymierli praź sieryju padzieńniaŭ hihanckich asteroidaŭ. Navukoŭca ž Hordan Hełap prapanavaŭ novuju ideju: jon ličyć, što staražytnyja cmoki mahli atrucicca taksičnymi raślinami. Pra navukovuju pracu Hełapa piša Phys.org.
U staražytnych žyvioł, ličyć navukoŭca, nie było zdolnaści asacyjavać smak peŭnych praduktaŭ ź niebiaśpiekaj. Heta pryviało da taho, što kolkaść ich papulacyi rezka skaraciłasia.
Pieršyja kvietkavyja raśliny (pakrytanasiennyja) źjavilisia jakraz pierad tym, jak dynazaŭry pačali vymirać. Hełap śćviardžaje, što raśliny pastupova raźvivali abaronu i stanavilisia atrutnymi. Dynazaŭry ž praciahvali jeści ich, chacia heta i niehatyŭna adbivałasia na zdaroŭi.
Zvyčajna žyvioły, adzin raz pakaštavaŭšy niešta niejadomaje abo niasmačnaje, bolš nikoli nie buduć heta jeści. Dynazaŭry ž, vidać, takoj asablivaści nie mieli. Heta paćviardžaje i toje, što krakadziły — «sučasnyja dynazaŭry» — taksama jaje nie majuć.
«Raspaŭsiudžany pohlad na źniknieńnie dynazaŭraŭ, zasnavany na padzieńni asteroidaŭ, praduhledžvaje, što źniknieńnie dynazaŭraŭ miełasia być raptoŭnym, a nastupstvy pavinny byli być šyroka raspaŭsiudžanymi. Adnak dokazy kažuć pra inšaje: dynazaŭry pačali źnikać zadoŭha da padzieńnia asteroidaŭ i praciahvali pastupova źnikać na praciahu miljonaŭ hadoŭ paśla hetaha», — havorycca ŭ navukovaj pracy.
-
Karotkija teksty ad štučnaha intelektu zamiest spasyłak — Google zapuściŭ novuju sistemu pošuku
-
Samsung źbirajecca pastavić na smartfonach jašče adzin štučny intelekt, akramia Gemini
-
«Absalutna niečakanyja i nievytłumačalnyja padziei adbyvajucca ciapier kala Ziamli». Vybuch soniečnaj płazmy pakazvaje rekordnuju chutkaść
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary