18 maja ŭ kniharni «Łohvinaŭ» prezientujem novuju knihu aŭtara non-fikšn ź Biełastoččyny Hanny Kandraciuk «Pa Prypiaci pa Nobiel: repartaž z krainy bałot i burštynu».
Aŭtarka pradstavić svaju novuju knihu, raspaviadzie pra ŭražańni ad biełaruska-ŭkrainskaha Paleśsia, ad sustreč z tamtejšymi žycharami, znajomstva sa staradaŭniaj kulturaj Paleśsia.
Razam z Hannaj Kandraciuk na viečarynie vystupiać staršynia HA «Sajuz biełaruskich piśmieńnikaŭ» Barys Piatrovič i hałoŭny redaktar biełaruskaj štotydniovaj haziety «Niva», dyrektar «Radyjo Racyja» Jaŭhien Vapa (Biełastok).
Hanna Kandraciuk naradziłasia ŭ Kutłoŭcy na Padlaššy. Skončyła Varšaŭski ŭniversytet. Ad 1993 hodu pracuje ŭ tydnioviku biełarusaŭ u Polščy «Niva». Aŭtarka šmatlikich repartažaŭ, jak z Padlašša, tak i ź Biełarusi dy Ŭkrainy. Piša na biełaruskaj i polskaj movach. Apublikavała knihi: «W stronę Tarasiewicza» (dva vydańni, 2002 i 2004), «Carskaja tryzna» (2007), «Dziadoŭskaje turne z Anatolem S.» (2010). Vypuściła kampakt-dysk z zapisam staradaŭnich padlašskich piesień: «Žuryłasie Kateryna» (2005). Pačynajučy ad 1995 hodu pravodzić sieminary pa žurnalistycy dla dziaciej i moładzi — hetak zvanyja «Sustrečy Zorki». Z moładździu redahuje dadatak da «Nivy» — «Zorku». Supracoŭničaje ź litaraturnymi časopisami ŭ Polščy i Biełarusi. Žyvie ŭ Biełastoku.
Pačatak a 18.30.
Kamientary