10 lipienia ŭ Minsku prajšoŭ pieršy dziciačy turnir u panu — modnuju raznavidnaść vuličnaha futboła, dzie rolu pola vykonvaje rynh 4,2x2,2 mietra, zamiest varot — nohi sapiernika, a imklivy matč zajmaje krychu bolš za 5 chvilin.
Pieramožcam Lihi Sporcika staŭ dziesiacihadovy Dzima, jon atrymaŭ u «repietytary» italjanca Roka Fijamieła, eks-treniera moładzievaj kamandy FK «Dynama-Minsk», ź jakim biaspłatna budzie zajmacca futbołam na praciahu troch miesiacaŭ, i zapas dziciačaj vady «Śviataja krynica. Sporcik» («Śviatoj istočnik. Sportik») dla karysnych trenirovak.
U dziciačuju fun-zonu «Sporcik», dzie prajšoŭ turnir, zaprašajuć usich, chto chacieŭ by pryščapić svaim dzieciam zdarovyja zvyčki pić čystuju vadu i zajmacca sportam. Štodzień tut prachodziać treniroŭki z najlepšymi dziciačymi futbolnymi akademijami, ad FK «BATE» da frystajlistaŭ LegacY.
«Luboŭ da sportu, jak i lubyja karysnyja zvyčki, pavinny pryščaplacca baćkami svaim dzieciam z rańniaha ŭzrostu, — raspaviadaje Dzianis Krupiec, pradstaŭnik brenda «Śviataja krynica. Sporcik» i arhanizatar pieršaj dziciačaj fun-zony. — Dzieci našmat bolš aktyŭnyja za darosłych, i strata navat 2% vady adbivajecca na ich samaadčuvańni. «Śviataja krynica. Sporcik» zaprašaje na fun-zonu mienavita siemji, pakolki sumiesnaja hulnia ŭ futboł dapamahaje baćkam stać prykładam dla dziaciej i ŭ interaktyŭnaj formie pakazać važnaść zaniatkaŭ sportam i zachavańnia režymu pićcia».
10 lipienia maleńkija spartsmieny hulali ŭ dvarovy futboł panu — raznavidnaść vuličnaha futboła, dzie hały zabivajuć nie ŭ varoty, a pamiž noh sapiernika. Sačyli za hulnioj Mikałaj Chadasievič, spartovy kamientatar telekanała «Biełaruś-1» i Pavieł Cahielnikaŭ, pryzior čempijanatu Biełarusi pa futbolnym frystajle.
Startavaŭ turnir a 16-j hadzinie ź sieryi pienalci, dziakujučy jakim z amal 50 udzielnikaŭ vybrali 8 samych mocnych futbalistaŭ. Mienavita jany vyjšli ŭ płej-of, kab pazmahacca za prava treniravacca ŭ Roka Fijamieła. Eks-trenier junackaha «Dynama-Minsk» ciapier adkazvaje za padrychtoŭku maładych spartsmienaŭ u FK «Pramień» i rychtuje da zapusku pieršuju ŭ Biełarusi škołu, dzie hulni ŭ futboł navučajuć pa indyvidualnaj prahramie dla kožnaha spartsmiena, praktyčna adzin na adzin z trenieram. U turniry ŭdzielničali chłopčyki i dziaŭčynki ad 6 da 12 hadoŭ. Pieramožcam staŭ dziesiacihadovy Dzima, jon budzie zajmacca futbołam try razy na tydzień na praciahu troch miesiacaŭ pa italjanskich mietodykach.
Dla taho, kab paśla turniru ŭsie ŭdzielniki zmahli adnavić siły, u fun-zonie pastajanna adkryty spartyŭny «bar», dzie zamiest sałodkich napojaŭ padajuć čystuju vadu «Śviataja krynica. Sporcik», a vodnyja «barmeny» mohuć raźličyć režym pravilnaha pićcia ŭ zaležnaści ad vahi, rostu i fizičnaj padrychtoŭki.
Fun-zona «Sporcik» adkryta ŭ Parku Pieramohi štodnia z 16:00 da 20:00 da 15 lipienia ŭklučna, kali i adbudziecca vyrašalny matč mundyjala.
Kamientary