Vynieśli prysud hrodzienskamu błohieru, jakoha vinavacili ŭ machinacyjach sa zboram na Vaniu Ściacenku
Sud u Hrodnie vynies prysud błohieru Michaiłu Drahunu pa kryminalnaj spravie, źviazanaj sa zboram srodkaŭ na lačeńnie ciažkachvoraha chłopčyka Vani Ściacenki. 16 lipienia jaho asudzili da adnaho hoda i šaści miesiacaŭ pazbaŭleńnia voli, paviedamiła siabroŭka błohiera Jaŭhienija Tarasienka. Mienavita takoje pakarańnie raniej prasiŭ pryznačyć dziaržaŭny abvinavaŭca.
Sud pryznaŭ Drahuna vinavatym u pryčynieńni majomasnaj škody šlacham padmanu i złoŭžyvańnia davieram, a taksama ŭ paklopie. Akramia taho, kala 130 tysiač rubloŭ, jakija sud pryznaŭ dachodam ad złačynstva, kanfiskavanyja ŭ dachod dziaržavy.
Kryminalnaja sprava pačałasia ŭ listapadzie 2025 hoda, kali pravaachoŭnyja orhany paviedamili pra zatrymańnie dvuch hrodzienskich błohieraŭ — Michaiła Drahuna i Jaŭhienii Tarasienki. Ich padazravali ŭ parušeńniach padčas dabračynnaha zboru srodkaŭ na lačeńnie Vani Ściacenki.
Pavodle materyjałaŭ śledstva, na toj momant 17‑hadovy junak prapanavaŭ maci chvoraha 9‑hadovaha chłopčyka dapamohu ŭ zbory srodkaŭ praz svoj Instagram. Adnak kali hrošy pačali pastupać, jon vyrašyŭ vykarystoŭvać ich ułasnych metach.
Dla zboru jon zadziejničaŭ niekalki SIM-kart i bolš za 20 bankaŭskich rachunkaŭ, jakija jamu dali znajomyja i rodnyja. Taksama jon pryciahnuŭ da arhanizacyi zboru svaju 37‑hadovuju siabroŭku-błohierku Jaŭhieniju Tarasienku. Raniej jany zatrymlivalisia pa hetaj spravie razam, ale paśla pryznali, što žančyna nibyta nie viedała pra sapraŭdnyja namiery junaka.
U vyniku na ŭsie rachunki pastupiła bolš za 2 miljony rubloŭ. Adnak zamiest dapamohi dziciaci značnuju častku hetych hrošaj chłopiec vydatkavaŭ na asabistyja patreby: darahoje žyllo, restarany, zabavy, padarožžy i padarunki padpisčykam dla raźvićcia svajho akaŭnta. Na lačeńnie chłopčyka była pieradadziena tolki nievialikaja častka srodkaŭ.
Akramia hetaha, śledstva vyjaviła jašče adzin epizod: błohier nibyta apublikavaŭ u sacsietkach chłuślivuju infarmacyju pra svaju znajomuju, abvinavaciŭšy jaje ŭ kradziažy hrošaj. Tak jon adpomściŭ joj za toje, što jana admoviłasia pieradać jamu dostup da srodkaŭ.
Pa vynikach rasśledavańnia Michaiłu Drahunu vystavili abvinavačańnie pa dvuch artykułach Kryminalnaha kodeksa: č. 2 art. 216 (pryčynieńnie majomasnaj škody biez prykmiet kradziažu, učynienaje šlacham atrymańnia majomasnaj vyhady ŭ vyniku padmanu i złoŭžyvańnia davieram, na vialikuju sumu) i art. 188 (paklop).
Sud pryznaŭ jaho vinavatym pa abodvuch abvinavačańniach i pryznačyŭ pakarańnie ŭ vyhladzie paŭtara hoda pazbaŭleńnia voli.
U SIZA Drahun znachodzicca ź siaredziny śniežnia 2025 hoda, a pakolki dla niepaŭnaletnich dzień u SIZA zaličvajecca za dva, to da vychadu na svabodu jamu zastajecca ŭžo nie tak šmat času.
Vaniu Ściacenku z Hrodna narešcie ŭviali daraženny preparat
17‑hadovaha hrodzienskaha błohiera znoŭ zatrymali, užo pa novaj spravie za paklop
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
Błohier z Hrodna, jakoha abvinavacili ŭ machlarstvie na hrašach dla chvoraha dziciaci, u instahramie prakamientavaŭ svaju spravu
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli7
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2424
Kamientary