Były ministr kultury Rusłan Čarniecki znajšoŭ sabie padpracoŭku
Novaj vysokaj pasady jamu pakul nie dali.
Paśla taho, jak Rusłanu Čarnieckamu ŭkazali na dźviery ŭ Ministerstvie kultury, jon praciahvaŭ vystupać na scenie teatra imia Maksima Horkaha (jon rehularna hraŭ u śpiektaklach i budučy ministram).
Darečy, Nasstasia Čarnieckaja, žonka Rusłana, u sacsietkach radavałasia takim hłabalnym źmienam u žyćci muža. Maŭlaŭ, jany narešcie pačali pravodzić bolš času razam. Reč u tym, što Nastaśsia — hrymior i pieryjadyčna robić mužu hrym.
Ciapier ža Čarnieckaha paklikali być viadučym novaha treveł-šou «Nam po puti» na ANT. U im były ministr budzie pakazvać vandroŭki pa Biełarusi.
U instahramie apublikavali fota sa zdymkaŭ šou, jakija prachodzili 15 lipienia ŭ hrodzienskim centry ramiostvaŭ «Spadčyna». Tam eks-čynoŭniku pakazvali, jak robiacca ručniki — a toj «zadavaŭ pytańni, jakija cikaviać kožnaha turysta, jaki šukaje sapraŭdnyja ŭražańni».
Nahadajem: Rusłan Čarniecki pratrymaŭsia ŭ ministerskim kreśle krychu bolš za hod. Zvolnili jaho z pasady ŭ toj čas, pakul jon sustrakaŭsia z pasłom Tanzanii.
Padčas svajoj pracy ŭ ministerstvie Čarniecki paśpieŭ nažyć vorahaŭ navat siarod tych artystaŭ, jakija hadami śpiavali ody Łukašenku. Publična suprać jaho vystupili siostry Hruździevy. Adbyłosia heta paśla taho, jak ministr kultury vyhnaŭ ich sa svajoj pryjomnaj «jak sabak».
Zub na Čarnieckaha mieła i Alona Łanskaja.
Jak Čarniecki naohuł staŭ ministram? Jak raskazvali «Našaj Nivie», jon pracavaŭ viadučym na roznych dziaržaŭnych mierapryjemstvach i «karparatyvach» u Łukašenki, zapomniŭsia jamu i tamu atrymaŭ pasadu. Ale nie paciahnuŭ.
Cikava, što i novy mastacki kiraŭnik Kupałaŭskaha teatra — 40‑hadovy Dźmitryj Akimaŭ, jaki raniej byŭ mastackim kiraŭnikom rasijskich pravincyjnych teatraŭ, — trapiŭ u heta kresła pa pratekcyi Čarnieckaha. Raskazvajuć, što Čarniecki abo sam byŭ znajomy z Akimavym pa zdymkach kino ŭ Rasii, abo inšy jaho kaleha pa rasijskim kino paraiŭ Akimava ŭ kiraŭnictva biełaruskaha teatra.
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Ministra kultury Čarnieckaha zavieźli ŭ ivacevickuju kałoniju i pakazali śpiektakl
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?
Novy ministr kultury vypuściŭ klip — plujecca ŭ vydumanych vorahaŭ
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary