U hetuju subotu, 15 vieraśnia, u Minsku projduć oŭpen-kłasy dla aktyŭnych siemjaŭ «TataPro». Na adzin dzień najbujniejšy handlovy centr Minska pieratvorycca ŭ dom z typovymi kvaternymi pakojami — spalniaj, kuchniaj i dziciačaj pakojem, dzie projduć majstar-kłasy i crash-testy, a biełaruskija mamy i taty zmohuć daviedacca pra ŭsio — ad pieršaha prykormu da pytańniaŭ sieksałohii.
Svaje dźviery ŭtulny dom adkryje ŭ 12 hadzin i sustrenie haściej oŭpen-kłasaŭ u haražy — jaho arhanizatary prydumali śpiecyjalna dla tataŭ. Tut razam sa śpiecyjalistami i lekarami viadučy Pavieł Syraježkin i baćki zmohuć daviedacca pra biaśpieku dziciaci ŭ aŭtamabili i navučacca pravilna ŭstaloŭvać aŭtamabilnaje kresła. Budučym maci raskažuć, ci možna ciažarnaj aŭtałedzi sadzicca za rul i jakija ramiani biaśpieki joj patrebnyja. Dla tych, chto ŭžo staŭ baćkam, ale pakul baicca adpravicca ŭ doŭhuju vandroŭku ź dziciem na rukach, — trochi asabistaha dośviedu ad aŭtažurnalista i zaŭziataha vandroŭnika Dźmitryja Navickaha.
Miescam sustrečy viadomych baćkoŭ stanuć oŭpen-kłasy na pieršym paviersie. Viadučy Alaksandr Najdzionaŭ pasadzić biełaruskich tatŭ za školnyja party prosta pasiarod handlovaha centra, razam budziem vučycca… ŭśviadomlenamu baćkoŭstvu. Niezvyčajnymi «nastaŭnikami» stanuć viadomyja śpievaki i taty Alaksandr Saładucha, Alaksandr Patlis, Saša Nema, a da ich dałučacca spartsmieny, błohiery i viadučyja. Papularnyja ludzi doma — taksama prosta taty, časam razhublenyja, časam ščaślivyja ad ułasnych «łajfchakaŭ». Tamu nijakaha mientarskaha tonu, tolki pryjaznyja razmova tataŭ z tatami. Darečy, mnohija sa śpikieraŭ užo zrabili niezvyčajny «anons» svaich lekcyj i zapuścili ŭ sacyjalnych sietkach fłešmob pad adzinym chešteham #papaprostrach, dzie adkryta padzialilisia sa svaimi padpisantami strachami, jakija byli ŭ pieryjad čakańnia malaniaci, i jak jany ź imi spraŭlalisia.
Jak zapłanavać ciažarnaść i advažycca na partniorskija rody — raskažuć u spalni z dapamohaj paradaŭ psichołaha i navat seksołaha, jakich skurpulozna raspytaje televiadučy Juryj Jarošyk. Dla baćkoŭ u dziciačym pakoi viadomy piedyjatr i televiadučy Dźmitryj Časnoŭ pakaža, jak padzialać prastoru, kab dzicia zastałosia ŭ biaśpiecy. A jašče ŭ dziciačym pakoi usie taty zmohuć prajści «kurs maładoha baćki» razam z brendam Bella Baby Happy: ekśpierty brenda padrychtavali crash-testy padhuźnikaŭ i abiacajuć raspavieści ŭsim tatam sakrety pravilnaj hihijeny i dohladu małych. Kulinarnyja vynachodstvy ad viadomych tataŭ možna budzie pasprabavać u zonie kuchni. Razam ź viadučym Antonam Martynienkam navučymsia hatavać pa-sapraŭdnamu «mužčynskija», ale karysnyja, śniadanki ŭsioj siamjoj i pahavorym z ekśpiertami pra pieršy prykorm dziciaci i jak u hetym moža paŭdzielničać tata.
— My pabudavali prahramu tak, kab adnačasova ŭ roznych zonach nie prachodzili majstar-kłasy adnoj tematyki, — adznačaje Dyjana Mardas, kiraŭnik prajekta Pro, doktar akušer-hiniekołah. — Dla nas važna, kab mamy i taty znajšli adkazy na cikavyja dla ich pytańni, nie prapuściŭšy važnych momantaŭ, kab im było kamfortna i ŭtulna ŭ kožnym z pakojaŭ. Na kožnym majstar-kłasie budzie mahčymaść prysieści, adpačyć, papić vady. Ekśpierty nastolki roznyja i pa-svojmu cikavyja, što znojduć «svajo» jak baćki z dośviedam, tak i pary ŭ čakańni i navat tyja, chto tolki płanuje ciažarnaść. Heta vydatnaja mahčymaść pravieści siamiejny vychadny: nie tolki navučycca, ale pahulać ź dziciom u dziciačaj zonie, atrymać padarunki, a jašče zrabić novyja siamiejnyja zdymki na kłasnych fotozonach.
Pryjści na mierapryjemstva možna i treba nie tolki razam z mamami, ale i ź dziećmi: na oŭpen-kłasach adkryjecca dziciačaja zabaŭlalnaja zona z hulniami i multfilmami, a na pavierchach raźmieściać spavivalny stolik. Źjavicca taksama «Tata markiet», dzie možna budzie adrazu pahladzieć, pasprabavać i kupić usio samaje patrebnaje i karysnaje dla maładoj siamji.
«TataPro» — siamiejnaje mierapryjemstva ŭ novym dla Biełarusi farmacie oŭpen-kłasaŭ, jakija praduhledžvajuć adkrytyja znosiny ŭ farmacie vystupaŭ i majstar-kłasaŭ ad ekśpiertaŭ — viadučych lekaraŭ, błohieraŭ i viadomych baćkoŭ. U stalicy pravodzicca ŭpieršyniu kamandaj prajekta Pro pry padtrymcy Ministerstva achovy zdaroŭja RB i Ministerstva pracy i sacyjalnaj abarony RB.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč7
Kamientary