Ahladalnik «SB» Maksim Osipaŭ: Ci majuć maralnaje prava ludzi biez srodkaŭ na mašynu ci taksi zavodzić dziaciej?
Ahladalnik «SB. Biełaruś siehodnia» Maksim Osipaŭ adznačyŭsia ŭ fejsbuku čarhovaj adyjoznaj zajavaj.
Čytajcie taksama: Palityčny ahladalnik «Sovietskoj Biełoruśsii»: «Polšča — kraina-vyradak. Horšaja chiba što Ukraina»
Adbyvałasia ŭsio ŭ kamientarach da dopisa žurnalista Vasila Małašenkava.
Toj źviarnuŭ uvahu, što novyja praviły pieravozak dyskryminujuć ludziej ź dziciačymi kalaskami. Kali u pasažyra niama kvitka, jon musić zachodzić u piarednija dźviery, a ŭ ich z kalaskaj nie projdzieš.
Hramada abmiarkoŭvała vyjście z hetaj situacyi, jak u kamientach uźnik Osipaŭ sa svaim ekszistencyjalnym bačańniem pradmieta dyskusii.
«Mnie voś cikava, chto z hetymi kalaskami ŭvohule precca ŭ transpart, kali ŭ maładych baćkoŭ zvyčajna pa 2-3 mašyny? Zaŭsiody možna ŭziać taksi i nie psavać niervy ni kiroŭcam hramadskaha transpartu, ni pasažyram. A kali niama srodkaŭ ni na ŭłasnyja aŭto, ni na taksi, to ci majuć jany ŭvohule maralnaje prava zavodzić dziaciej i ŭskładniać, tym samym, žyćcio hramadstvu? Jažmaci i hd.?», — napisaŭ Osipaŭ i adrazu pieramianiŭ pryjarytety abmierkavańnia internaŭtaŭ, jakija z prablemy ŭvachodu ŭ pieršyja dźviery pieraklučylisia ŭžo na jahonuju asobu.
Aproč inšaha, Osipavu zaŭvažyli, što ŭ jaho niapravilnaje razumieńnie pryncypaŭ samoha instytutu hramadskaha transparta.
«Naša Niva» sprabuje źviazacca z Maksimam Osipavym, kab dać jamu mahčymaść udakładnić svaju pazicyju.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro11
Kamientary