Palityčny ahladalnik «Sovietskoj Biełoruśsii»: «Polšča — kraina-vyradak. Horšaja chiba što Ukraina»
Skandalnyja vykazvańni ŭ fejsbuku dazvoliŭ sabie palityčny ahladalnik chołdynha «SB. Biełaruś siehodnia» Maksim Osipaŭ.
Jaho miesca pracy paznačana jak «Narodnaja hazieta», adnak žurnalist piša štodzionnyja spravazdačy pra dziejnaść Alaksandra Łukašenki dla «Sovietskoj Biełoruśsii».
«Stalinskija varoty krainy. Voś jon, simvał SSSR. Dziasiatak razoŭ bačyŭ jaho, adnojčy mieŭ hrech vyjazdžać mima jaho ŭ nienavisnuju Polšču… Ale jon niaźmienna zachoplivaje duch, jak i maskoŭskija vyšynnyja damy. Praŭdzivy simvał, mahutny, manumientalny, jaki kaža sam za siabie. A nie łahiery dy represii, jakija nabili askominu», — napisaŭ Maksim Osipaŭ.
Jon pryznaŭsia, što adnojčy ŭ studenckija časy jeździŭ u Polšču, ale bolš nie źbirajecca.
«Polšča — uschodni farpost ES, na jaje Brusel uskładaje peŭnyja nadziei pa dresiroŭcy postsavieckich respublik… A ja kažu pra palityku. Pra toje, što nas, studentaŭ ź Biełarusi i Ukrainy, abakrali ŭ achoŭvanym basiejnie, i palicyja adkryta śmiajałasia z našych sprob padać zajavu. A potym śmiajaŭsia i ŭvieś toj haradok, tykajučy palcam u śpinu… Ja ŭžo nie kažu pra ich reakcyju na katastrofu ich samalota pad Smalenskam praź biazhłuzdaść ichniaha ž prezidenta… Karaciej, kraina-ŭbludak i kraina-vyradak płaniety. Horš chiba što ciapierašniaja Ukraina», — upeŭnieny palityčny ahladalnik vydańnia Administracyi prezidenta.
U kamientarach inšyja žurnalisty «Sovietskoj Biełoruśsii» paraili Osipavu być bolš strymanym.
Na zastavačnym zdymku ŭ fejsbuku Osipaŭ paziruje ŭ Maskvie ŭ majcy «SSSR».
Paśla publikacyi ŭ «Našaj Nivie» post u fejsbuku byŭ vydaleny ci schavany.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Kamientary