Viasnuški, strazy i ŭsie mažlivyja adcieńni zielaniny — trendy ŭ viasnovym makijažy
My śviadoma nie stali ŭklučać u zahałovak «— 2019», bo viasna zaŭsiody viasna — abudžeńnie paśla zimovaj śpiački, pieršaje sonca, pieršaje ciapło. Chočacca źziać i ŭpryhožvać saboj śviet.
Tak što łavicie padborku pryjomaŭ ad b́juci-błohierki Łady Bałakiravaj i kvitniejcie razam z pryrodaj.
Viasnuški
Na ščaście, časy, kali za viasnuški dražnili, daŭno minuli, i sučasnyja modnicy zusim nie imknucca pazbavicca ich i maksimalna adbialić tvar — naadvarot, na piku mody akurat namalavanyja viasnuški, dy pabolš!
Kali naturalnym čynam na vašym nosie jany nie źjaŭlajucca, a dadać žvavaści i dziciačaj niepasrednaści vobrazu chočacca, pasprabujcie skarystacca karyčnievym ałoŭkam abo markieram dla brovaŭ.
Chaatyčna nastaŭcie nievialikich kropačak na vystupajučych častkach tvaru (skuły, nos, nadbroŭnyja duhi) i źlohku raściarycie padušačkaj palca — kab vyhladała naturalna.
Prasunutyja amatarki makijažu mohuć skarystacca sprejem dla afarboŭvańnia karanioŭ vałasoŭ, ale pyrskać im na tvar treba ź vialikaj adlehłaści i abaviazkova sačyć, kab nie patrapiła ŭ vočy. Zatoje vynik atrymlivajecca pryhožym i ŭstojlivym.
Žemčuh i strazy
My nie tak daŭno pisali pra žamčužnyja zakołki, jakija apanavali instahram, ale hety trend tyčycca nie tolki vałasoŭ. Samaklejnyja strazy nie vykarystoŭvaŭ u svajoj pracy tolki lanivy vizažyst. Žemčuh pierastaŭ być prykmietaj raskošy, jon bolš nie asacyjujecca tolki ź viačerniaj sukienkaj, naadvarot, ciapier — heta razynačka ŭ vobrazie maładoj i seksualnaj dziaŭčyny.
Navat u dzionny makijaž možna ŭklučyć taki hullivy elemient. Pasadzicie maleńkuju žamčužynku na klej dla paviekaŭ va ŭnutrany kutok voka, naprykład.
Dla bolš uračystaha vypadku možna vykłaści cełuju strełku abo ablapić pavieka pa pierymietry, i vaša źziańnie harantavana nie zastaniecca niezaŭvažanym.
Akramia taho, rabić taki makijaž vielmi chutka i prosta, a niedarahija strazy na klejkaj padkładcy jość u šmatlikich moładzievych kaśmietyčnych brendach abo ŭ kramach dla rukadziella.
Adcieńni zialonaha
Viasnoj, kali ŭsio pačynaje kvitnieć, kali źjaŭlajucca pieršyja kvietački i sakavitaja zielanina paŭsiul — heta nie moža nie natchniać. Tamu viasnoj usie adcieńni zieleni aktualnyja jak nikoli: ad pastelnaha miatnaha da nasyčanaha butelkavaha.
Bujnyja kaśmietyčnyja kampanii viedajuć, kudy viecier dźmie, tamu, vypuściŭšy adna za adnoj paletki ŭ fijaletavych tonach, ciapier jany pieraklučylisia na zialony, imknučysia zadavolić popyt usich modnic. Heta datyčycca jak zamiežnych, tak i ajčynnych vytvorcaŭ dekaratyŭnaj kaśmietyki.
Pastel
Kali vy addajacie pieravahu ŭ makijažy lohkaści i piaščocie, ale ŭskałychnuć rucinu chočacca, raźbielenyja varyjacyi jarkich koleraŭ — akurat toje, što vam treba.
Vielmi vydatna i śvieža hladzicca makijaž z hrafičnymi elemientami, namalavanymi pastelnymi ałoŭkami ci padvodkami, naprykład, linija ŭ zmorščynie pavieka.
A jašče možna zrabić kłasny manikiur, vykarystoŭvajučy niekalki łakaŭ roznych tonaŭ — budzie vyhladać niazvykła, ale i nie krykliva, i abaviazkova ŭzdymie nastroj.
Piaščotny rumianiec
Ružovyja ščočki — prykmieta junactva, śviežaści i niavinnaści, ci nie tak? Navat kali vy za naturalnaść, zichatlivaja skura i piersikavy rumianiec — vydatny vybar na kožny dzień.
Dla bolšaj naturalnaści raim vybirać kremavyja pradukty, jany nadaduć lohkuju vilhotnaść i nie pierahruziać tvar. Vybirajcie rumianiec, jaki pasuje vašaj skury, naniasicie jaho na tvar, rastušujcie palcami, pry žadańni padfarbujcie viejki i/abo brovy — i piaščotny dziavočy vobraz hatovy.
A dadaŭšy da jaho lubuju detal z našaha śpisu, vy imhnienna transfarmujecie dzionny makijaž ŭ viačerni.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii12
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3939
Kamientary