U ZŠA viarnuli śmiarotnaje pakarańnie na fiederalnym uzroŭni, uklučajučy rasstreły
Rašeńnie stała vynikam rasparadžeńnia Donalda Trampa, zroblenaha im u pieršy dzień novaha prezidenckaha terminu.
Ministerstva justycyi ZŠA abviaściła pra admienu fiederalnaha maratoryja na śmiarotnyja pakarańni, jaki byŭ uviedzieny ŭ 2021 hodzie padčas prezidenctva Džo Bajdena. Akramia taho, viedamstva sankcyjanavała chadajnictvy ab śmiarotnym pakarańni ŭ dačynieńni da 44 abvinavačanych. Pra heta paviedamlajecca na jaho sajcie.
Rašeńnie stała vynikam rasparadžeńnia Donalda Trampa, zroblenaha im u pieršy dzień novaha prezidenckaha terminu. Havorka idzie pra viartańnie śmiarotnaha pakarańnia praź injekcyju, pašyreńnie pieraliku sposabaŭ pakarańnia za košt rasstrełu, a taksama spraščeńnie ŭnutranych pracedur dla paskareńnia razhladu spraŭ ab śmiarotnym pakarańni paśla vyčarpańnia apielacyj.
«Papiaredniaja administracyja nie vykanała svoj abaviazak pa abaronie amierykanskaha naroda, admoviŭšysia pieraśledavać i prymianiać najvyšejšaje pakarańnie suprać samych niebiaśpiečnych złačyncaŭ, uklučajučy terarystaŭ, zabojcaŭ dziaciej i zabojcaŭ palicejskich. Pad kiraŭnictvam prezidenta Trampa Ministerstva justycyi znoŭ zabiaśpiečvaje vykanańnie zakona i padtrymlivaje achviar», — zajaviŭ vykanaŭčy hienieralny prakuror Tod Błanš.
U 2025 hodzie Donald Tramp padpisaŭ ukaz ab uviadzieńni śmiarotnaha pakarańnia dla abvinavačanych u zabojstvach, učynienych u Vašynhtonie. U tym ža hodzie ŭ ZŠA ŭpieršyniu za 15 hadoŭ asudžanaha pakarali śmierciu praz rasstreł. Takim čynam byŭ pazbaŭleny žyćcia 67‑hadovy Bred Sihman, asudžany za zabojstva baćkoŭ svajoj byłoj dziaŭčyny z dapamohaj biejsbolnaj bity ŭ 2001 hodzie. Mužčyna sam abraŭ rasstreł jak sposab pakarańnia.
U ZŠA śmiarotnaje pakarańnie vykonvajecca na ŭzroŭni štataŭ: bałans prykładna 50 na 50. Jano faktyčna admienienaje ŭ štatach Ńju-Jork, Ńju-Džersi, Mierylend, Kalifornija. Śmiarotnaje pakarańnie vykarystoŭvajecca ŭ mnohich paŭdniovych štatach, u pryvatnaści, Techasie, Fłarydzie, Ałabamie, Łuizijanie, abiedźviuch Karalinach, a taksama Aryzonie, Mantanie i inšych.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary