U milicyju za minułyja sutki pastupiła bolš za 500 paviedamleńniaŭ pra zvanki telefonnych machlaroŭ
Dziakujučy apieratyŭnaści supracoŭnikaŭ orhanaŭ unutranych spraŭ i pilnaści hramadzian pieravažnaja bolšaść złačynstvaŭ była praduchilena, paviedamlaje BiełTA.
Zarehistravana 55 złačynstvaŭ, ździejśnienych z vykarystańniem infarmacyjna-kamunikacyjnych technałohij.
Adździeł arhanizacyi apracoŭki machlarskich apieracyj MUS inicyjavaŭ błakiroŭku 16 fišynhavych internet-resursaŭ — havorka idzie pra padroblenyja handlovyja placoŭki, banki abo servisy, jakija amal nie adroźnivajucca ad sapraŭdnych.
Taksama zabłakiravana mahčymaść ździajśnieńnia płaciažoŭ na adras 46 zamiežnych płaciežnych rekvizitaŭ, jakija vykarystoŭvajucca złamyśnikami, i prypynieny raschodnyja apieracyi pa 93 rachunkach.
Apieratyŭniki zatrymali čatyroch kurjeraŭ, jakija pracavali ŭ intaresach ašukancaŭ, u tym liku dvuch zamiežnikaŭ. U ich kanfiskavana bolš za 140 tysiač rubloŭ.
«Pavodle sposabu ździajśnieńnia supraćpraŭnych dziejańniaŭ lidyruje kupla tavaraŭ na internet-placoŭkach. Dalej iduć višynh ad imia słužbovych asob (telefonnaje machlarstva), fišynh i handal na finansavych biržach», — udakładnili ŭ MUS.
«Prapanovy chutkaha i lohkaha zarobku abo pakupki tavaraŭ pa značna źnižanaj canie ŭ internecie zaŭsiody źviazanyja z ryzykaj straty hrošaj. Załatoje praviła pry kamunikacyi z telefonnymi machlarami — spynić razmovu i paviedamić u milicyju pa numary 102», — nahadali ŭ MUS.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
"minskaja milicija prieduprieždajet: mošieńniki priedstavlajutsia ..., ..., ..., i dažie sotrudnikami milicii"
Hety "žart" viadomy kožnamu pasažyru minskaha mietro.
A ja troški padkaraču rekłamny tekst:
"minskije mošieńniki prieduprieždajut: ..."
nichto nikoha nie prymušaje u takich situacyjach kamunikavać pa-rusku.
Chto i navošta pakidaje kožny vypadak kamunikacyi na ruskaj ź biełaruskamoŭnym biespakaranym bolš za 30-ć hadoŭ?
Kolki z 500-t machlaroŭ byli biełaruskamoŭnymi?