Adnoj z relihijnych metaŭ pajezdki papy Franciška ŭ Rumyniju była bieatyfikacyja siami biskupaŭ katalickaj carkvy ŭschodniaha abradu, zamučanych kamunistyčnymi ŭładami paśla vajny.
Uładyki pamierli ŭ turmach, dzie jany byli źmieščanyja ŭ nievynosnyja ŭmovy: ich trymali ŭ niatoplenych kamierach paŭhałodnymi.
Bieatyfikacyja — heta pieršy krok da pryznańnia śviatymi.
Unijackaja, abo Hreka-katalickaja carkva źjaviłasia ŭ Transilvanii ŭ 1698 hodzie. Ciapier da jaje naležać bolš za 150 tysiač čałaviek, kala 1% nasielnictva Rumynii. Pa stanie na 1948 hod ich było kala 1,5 miljona, abo 10%.
U 1948 hodzie kamunistyčny režym Hieorhiu-Deža ŭnijackuju carkvu zabaraniŭ, bo nie moh kantralavać, viernikaŭ i śviataroŭ pieraviali ŭ pravasłaŭje. Prykładna ŭ toj samy čas hreka-katalikoŭ parabili pravasłaŭnymi i ŭ Savieckim Sajuzie.
Bieraściejskaja unija pravasłaŭnaj i katalickaj cerkvaŭ, jakaja pryviała da źjaŭleńnia carkvy ŭschodniaha, vizantyjskaha abradu, ale padnačalenaj Rymu, była zaklučanaja ŭ 1596 hodzie. Taja padzieja pryviała da źjaŭleńnia hreka-katalikoŭ u Biełarusi i Ukrainie. Anałahičnyja unii stvaralisia ŭ inšych krainach. U Transilvanii heta zdaryłasia paśla zavajovy rehijona Habsburhami. Miascovyja pravasłaŭnyja nie chacieli zastavacca ŭ padparadkavańni patryjarcha Kanstancinopalskaha, jaki ŭ toj čas całkam zaležaŭ ad asmanskich uładaŭ. Transilvanija daŭžej viała zaciatuju baraćbu z asmanami, navat tady kali Vałachija i Małdova, inšyja častki ciapierašniaj Rumynii, pryznali vasalnuju zaležnaść ad sułtanaŭ.
-
Maksim Znak apublikavaŭ svaje muzyčnyja zapisy na stryminhach
-
Kali ŭ 1979‑m «Kałasy pad siarpom tvaim» vyjšli pa-rusku nakładam 100 tysiač asobnikaŭ, imi handlavali minskija taksisty. Nastolki papularny byŭ Karatkievič
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary