U pravaachoŭnych orhanaŭ źjavilisia pytańni da dyrektara kampanii «PAK-kiravańnie», člena Savieta pa raźvićci pradprymalnictva pry prezidencie Viktara Lemiašeŭskaha. Pra heta TUT.BY paviedamili try infarmavanyja krynicy.
Lemiašeŭski doŭhi čas byŭ niepubličnym biznesmenam. Choć jaho «Pieršaja akumulatarnaja kampanija» (PAK) zajmała značnuju dolu na biełaruskim rynku, a hrupa kampanij 1AK-GROUP budavała zavody. Pradprymalnik zdabyŭ viadomaść u suviazi z budaŭnictvam zavoda «AjPauer» u Breście, jakoje supravadžałasia štotydniovymi pratestami aktyvistaŭ.
14 červienia Brescki abłvykankam apublikavaŭ na svaim sajcie rasparadžeńnie hubiernatara Lisa ab prypynieńni budaŭnictva akumulatarnaha zavoda «da likvidacyi vyjaŭlenych parušeńniaŭ». 17 červienia abłasny kamitet pryrodnych resursaŭ i achovy navakolnaha asiarodździa prypyniŭ dazvoł zavodu na vykid zabrudžvalnych rečyvaŭ u atmaśfieru. 25 červienia hrupa kampanij 1AK-GROUP vystupiła z zajavaj ab važnaści zavoda dla krainy.
Pavodle nieaficyjnaj infarmacyi, siońnia nočču siłaviki zatrymali Lemiašeŭskaha i niekatorych jahonych padnačalenych. Što im inkryminujecca, pakul nieviadoma.
Namieśnik dyrektara 1AK-GROUP Alaksandr Voran skazaŭ, što nie vałodaje infarmacyjaj pra miescaznachodžańnie Viktara Lemiašeŭskaha.
Pa mabilnym telefonie Lemiašeŭski niedastupny. Apošni raz jon byŭ u mesendžary ŭ 5.25 ranicy.
Pres-słužba KDB była łakaničnaja: «Biez kamientaroŭ».
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć2929
Kamientary