«U ich adzieńni — historyja». Minčanka zaviała błoh pra stylovych staličnych piensijanieraŭ FOTY
Biełaruskija piensijaniery vielmi elehantnyja. Nie vierycie? Pahladzicie hety błoh — minčanka fatahrafuje stylovych babul i dziadulaŭ na vulicach stalicy.
Aŭtarka błohu old_n_beautiful («staryja i pryhožyja») — Śviatłana Paddubnaja.
«Mnie padabajecca mužčynskaja moda i kłasičny styl u adzieńni. U Biełarusi taki styl najbolš jarka vyjaŭleny ŭ mužčyn i žančyn va ŭzroście. Jany nadziavajuć kłasičnyja štany, pinžaki, kašuli, umiejuć padbirać hałaŭnyja ŭbory i nie saromiejucca ich nasić. Heta pryhoža, heta mesedž», — raskazała Śviatłana «Našaj Ninie», što natchniła jaje zavieści taki akaŭnt.
Bolšaść fota — heta vypadkovyja kadry, byccam padhledžanyja karcinki z žyćcia horada.
«U ludziej na piensii ŭ našaj krainie niama mahčymaści pryhoža žyć — z-za maleńkich dachodaŭ. Usie pryhoža i stylna apranutyja piensijaniery — heta tyja, chto ŭmieje stavicca da rečaŭ bieražliva i viedaje, što reč moža słužyć doŭha, a nie adzin siezon, paśla čaho ty možaš jaje vykinuć. Tamu mianie tak i pryciahvajuć hetyja ludzi, u ich adzieńni — historyja, — dzielicca Śviatłana. — I tych, chto ŭmieje dahladać rečy, u pažyłym uzroście bolš. Heta toje sučasnaje sustainable consumptions of the goods («ustojlivaje spažyvańnie tavaraŭ»), jakoje ciapier tak modna».
Ciapier čytajuć
«Franak, adnosiny pamiž ludźmi mohuć budavacca nie tolki na manipulacyjach». Prakop‘jeŭ daŭ vodpaviedź Biaspałavu. I Viačorku41
Kamientary