Navukoŭcy raskazali, jakuju karyść dla zdaroŭja prynosiać sabaki
Pavodle danych praciahłaha daśledavańnia Kardiozive Brno 2030, vałodańnie svojskaj žyviołaj moža dapamahčy zachavać zdaroŭje serca, asabliva kali svojskaja žyvioła — sabaka, paviedamlaje EurekAlert!.
U chodzie daśledavańnia była atrymana bazavaja miedycynskaja i sacyjalna-ekanamičnaja infarmacyja pra bolš čym 2 000 žycharoŭ horada Brno ŭ Čechii, sa studzienia 2013 hoda pa śniežań 2014 hoda.
U daśledavańni ŭziali ŭdzieł 1769 čałaviek, u jakich u anamniezie nie było sardečna-sasudzistych zachvorvańniaŭ. U ich acanili indeks masy cieła, dyjetu, fizičnuju aktyŭnaść, status kureńnia, arteryjalny cisk, uzrovień hlukozy ŭ kryvi i ahulny chalesteryn.
Daśledavańnie paraŭnoŭvała pakazčyki sardečna-sasudzistych zachvorvańniaŭ uładalnikaŭ svojskich žyvioł ahułam z tymi, chto nie mieŭ svojskich žyvioł. Zatym aŭtary pracy paraŭnali ŭładalnikaŭ sabak ź inšymi ŭładalnikami svojskich žyvioł i tymi, chto nie mieŭ svojskich žyvioł.
Ludzi, u jakich była choć niejkaja žyvioła, čaściej paviedamlali pra bolšuju fizičnuju aktyŭnaść, lepšuju dyjetu i narmalny ŭzrovień cukru ŭ kryvi. Samyja vialikija vyhady ad najaŭnaści svojskaj žyvioły atrymlivali tyja, chto vałodaŭ sabakam, niezaležna ad ich uzrostu, połu i ŭzroŭniu adukacyi. Vałodańnie svojskimi žyviołami pryvodzić da bolš fizična aktyŭnaha ładu žyćcia.
Najaŭnaść sabaki moža padachvočvać uładalnikaŭ vychodzić na vulicu, pieramiaščacca i rehularna hulać sa svaim sabakam.
Najaŭnaść sabaki taksama była źviazana z palapšeńniem psichičnaha zdaroŭja i mienšym usprymańniem sacyjalnaj izalacyi.
Kamientary