Histaryčnaje dačasnaje rašeńnie

Biełaruskija palityki nieadnaznačna ŭsprymajuć fakt uklučeńnia Biełarusi ŭ prahramu «Uschodniaje partniorstva».

Jak raniej paviedamlałasia, rašeńnie pra heta było pryniata 23 lutaha ŭ Brusieli kiraŭnikami ŭsich 27 krain — členaŭ ES.

Lider Abjadnanaj hramadzianskaj partyi (AHP) Anatol Labiedźka

ličyć fakt uklučeńnia krainy ŭ prahramu «Uschodniaje partniorstva» «padziejaj pazityŭnaj».

Ale ja kateharyčna nie mahu pryniać toje, jak hety dyjałoh realizujecca na praktycy», — zajaviŭ A.Labiedźka.

«Pa‑pieršaje, heta dyjałoh biez pasrednikaŭ, što publična ahučyŭ Alaksandr Łukašenka. Heta značyć, što z dyjałohu vyklučajecca vialikaja kolkaść hramadzian Biełarusi, jakija raniej imknulisia da jeŭraintehracyi. Pa‑druhoje, u Jeŭropy adsutničaje vyrazny płan uzajemaadnosin ź Biełaruśsiu, što paćvierdziŭ vizit u Biełaruś Chaŭjera Sałany. Pa‑treciaje, apošnija padziei ŭ Biełarusi nijak nie stykujucca z prahramaj «Uschodniaje partniorstva». My viarnulisia da «nulavoj adznaki» — u Biełarusi razhaniajucca mirnyja akcyi, źjavilisia novyja palitviaźni. Ja bajusia, što ŭ takoj situacyi ŭklučeńnie našaj krainy ŭ hetuju prahramu vykliča masavaje rasčaravańnie mienavita pa‑prajeŭrapiejsku nastrojenaha nasielnictva Biełarusi. Nielha kazać ab tym, što ŭčora Biełaruś była «apošniaj dyktaturaj u Jeŭropie», a siońnia ŭklučać jaje ŭ jeŭrapiejskija prahramy bieź jakasnaha palapšeńnia situacyi ŭ Biełarusi», — zajaviŭ A.Labiedźka.

Lider Partyi BNF Lavon Barščeŭski zaznačyŭ, što jaho partyja zaŭsiody padtrymlivała ideju partniorstva ź Jeŭropaj. «Adnak u tych adnosinach, što skłalisia pamiž uładami Biełarusi, palityčnymi partyjami i hramadzianskaj supolnaściu, heta rašeńnie nieapraŭdanaje i dačasnaje. Kali ŭ Biełarusi aryštoŭvajuć ludziej navat za ŭdzieł u mierapryjemstvach, pryśviečanych dniu rodnaj movy, dyk pra jakija adnosiny ź Jeŭropaj moža iści havorka», — ździŭlajecca Ł.Barščeŭski.

Lider Biełaruskaj sacyjał‑demakratyčnaj partyi (Hramada) Anatol Laŭkovič ličyć, što «vialikaje pytańnie ŭ tym, jakimi buduć miesca i rola demakratyčnych sił u hetaj prahramie». «Jeŭrapiejcy kažuć, što aficyjny Minsk zrabiŭ kroki ŭ palapšeńni situacyi ŭ krainie. Naprykład, vyzvaliŭ palitviaźniaŭ, i ŭ pieršuju čarhu eks‑kandydata ŭ prezidenty Alaksandra Kazulina. Budziem spadziavacca, što hety praces nie zavieršany», — skazaŭ A.Laŭkovič.

Eks‑kandydat u prezidenty, lider ruchu «Za Svabodu» Alaksandr Milinkievič ličyć uklučeńnie Biełarusi ŭ prahramu «Uschodniaje partniorstva» «histaryčnym rašeńniem».

«Heta padzieja vielizarnaj važnaści. Heta paćviardžaje cyvilizacyjny vybar Biełarusi — być u Jeŭropie.

Pavodle jaho mierkavańnia, u suviazi z uklučeńniem u inicyjatyvu «Uschodniaje partniorstva» biełaruskija ŭłady vymušany buduć pravodzić demakratyčnyja źmieny ŭ krainie. «Demakratyzacyja — heta nie raptoŭnaje rašeńnie, heta praces. I ja dumaju, što ŭ suviazi z uklučeńniem Biełarusi ŭ hetuju prahramu praces demakratyzacyi nie tolki budzie praciahnuty, jon budzie bolš intensiŭnym», — ličyć A.Milinkievič.

Siarhiej Pulša, BiełaPAN

• 0
• 0
• 0
• 0
• 0
• 0
• 0
• 0