Urad Italii zabaraniŭ lubyja pieramiaščeńni miž nasielenymi punktami biez pavažnych pryčyn, zakrytyja škoły
Premjer-ministr Italii ŭvioŭ režym karancinu na ŭsioj terytoryi krainy. Pieramiaščeńnie ludziej pamiž nasielenymi punktami dazvalajecca tolki ŭ metach pracy i pa patrebach zdaroŭja.
«Zastajomsia doma» — tak možna nazvać novy dekret», — skazaŭ premjer Džuzepe Konci na pres-kanfierencyi pozna ŭviečary 9 sakavika.
Chmury i stomleny, jon źjaviŭsia pierad žurnalistami ŭ pałacy Kidžy.
Raniej režym karancinu raspaŭsiudžvaŭsia na častcy terytoryi krainy z nasielnictvam kala 17 miljonaŭ čałaviek.
Spyniajuć pracu ŭsie škoły i VNU. Uvodzicca zabarona na lubyja publičnyja mierapryjemstvy. Zabaraniajecca praca damoŭ kultury, muziejaŭ, basiejnaŭ, spartzałaŭ, kurortaŭ. Kramy buduć adkrytyja tolki ŭ pracoŭnyja dni. Ustanovy hramadskaha charčavańnia buduć adkrytyja tolki z 6:00 da 18:00 i pry ŭmovie, kali mohuć zabiaśpiečyć adlehłaść pamiž naviednikami nie mienšuju, čym 1 mietr.
Niekatoryja ekśpierty miarkujuć, što dadzienyja zachady ŭvodziacca zapozna. Akramia taho, italjancy słynnyja svajoj niazdatnaściu vykonvać zakony. Toje, što ŭ zvyčajnym žyćci stvaraje italjanski šarm, u krytyčnaj situacyi pastaviła pad pahrozu žyćcio tysiač ludziej.
Premjer Konci zajaviŭ, što, niahledziačy na ŭviadzieńnie karancinu, hramadski transpart budzie dziejničać, a pradpryjemstvy — pracavać u zvyčajnym režymie. Heta značyć, karancin budzie mieć, chutčej, rekamiendacyjny charaktar.
Pa stanie na 9 sakavika kolkaść zaražeńniaŭ u Italii pieravysiła 9000. 463 čałavieki, abo bolš za 5% chvorych, pamierli.
Birža Miłana pieražyvaje rekordnaje padzieńnie. Čym skončycca hety hod dla Italii, ciažka pradkazać.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha16
Kamientary