Minzdaroŭja pryznała druhuju śmierć ad karanavirusa i zahadała novy rebus. Mahčyma, u Biełarusi 217 vypadkaŭ
Ministerstva achovy zdaroŭja apublikavała čarhovy pres-reliz pra stan pandemii ŭ Biełarusi:
«U Biełarusi na siońnia praviedziena bolš za 32 tysiačy testaŭ na karanavirusnuju infiekcyju.
Za apošnija sutki vypisana 5 pacyjentaŭ, u jakich raniej test na COVID-19 daŭ stanoŭčy vynik. Pad miedycynskim nahladam i na lačeńni znachodziacca 157 čałaviek.
Zarehistravany druhi vypadak śmierci ŭzrostavaha pacyjenta z najaŭnaściu šmatlikich chraničnych zachvorvańniaŭ, pa papiarednich dadzienych, abciažaranych karanavirusnaj infiekcyjaj».
Jakaja ž aktualnaja ličba vypadkaŭ karanavirusa?
Na lačeńni ciapier znachodzicca 157 čałaviek.
Za 31 sakavika było vypisana 5 čałaviek.
Za 30 sakavika było vypisana 6 čałaviek.
30 sakavika Minzdaroŭja infarmavała, što vypisany ci čakajuć vypiski 47 čałaviek, a «praciahvajecca miedycynskaje nazirańnie i lačeńnie 105 čałaviek».
2 čałavieki z karanavirusam pamierli.
Takim čynam, imavierna, u Biełarusi aficyjna zafiksavana 217 vypadkaŭ karanavirusa.
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia5
Kamientary