U Barysavie pamior 50-hadovy fielčar chutkaj. Dvuchbakovaja pnieŭmanija ŭ vyniku karanavirusa
8 krasavika ŭ reanimacyi 2-j kliničnaj balnicy Barysava pamior Vasil Lipilin. Jamu było 50 hadoŭ, jon pracavaŭ fielčaram na chutkaj dapamozie. Pavodle infarmacyi jaho kalehi, u Vasila była dvuchbakovaja pnieŭmanija i stanoŭčy vynik testu na karanavirus. U kalehaŭ pamierłaha miedyka taksama ŭziali mazki na karanavirus, piša Tut.by.
Vasil Lipilin z žonkaj žyŭ u ahraharadku Niemanica, za 10 kiłamietraŭ ad Barysava. Razam jany ŭtrymlivali vialikuju fiermierskuju haspadarku.
Pa słovach kalehi, Vasil adčuŭ siabie drenna 28 sakavika. U toj dzień u jaho padniałasia vysokaja tempieratura, tamu jon paprasiŭ adnaho z kalehaŭ pamianiacca źmienami.
— Dumaŭ, što adlažycca za vychadnyja — i ŭsio budzie ŭ paradku.
Ale ŭ paniadziełak, 30 sakavika, lepš nie stała. Vasil źviarnuŭsia ŭ palikliniku sa skarhami na tempieraturu i mocnyja boli ŭ ciahlicach.
Špitalizavali Vasila dniom 4 krasavika, u ciažkim stanie jaho dastavili ŭ reanimacyju 2-j kliničnaj balnicy Barysava, uviečary taho ž dnia padklučyli da aparata ŠVŁ.
Pakolki ŭ miedyka dyjahnastavali dvuchbakovuju pnieŭmaniju, u jaho ŭziali test na karanavirus. Pieršy daŭ admoŭny vynik, druhi — stanoŭčy. Pra heta kaleham stała viadoma 8 krasavika.
U kalehaŭ z chutkaj jak kantaktaŭ pieršaha ŭzroŭniu taksama ŭziali mazki, adnak jany praciahvajuć pracavać. Troje ź ich, pa słovach miedykaŭ, ciapier znachodziacca na balničnym ź nievialikaj tempieraturaj i simptomami VRVI.
-
17‑hadovy błohier, jaki šykavaŭ na hrošy sa zboru na chvoraje dzicia, znoŭ źbirajecca razyhryvać ajfony
-
Da kanca hoda adkryjecca kaviarnia «Vieža» ŭ minskaj vodanapornaj viežy kala praśpiekta Žukava
-
«Aby chutčej dabracca da mamy». Biełaruski, jakija žyvuć za miažoj, raskazali pra dopyty na biełaruskaj miažy
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2424
Kamientary