Rumas i Karanik u 2020 hodzie sprabavali ŭvieści karancin, ale ich absiok Łukašenka
Na sustrečy z navukoŭcami Alaksandr Łukašenka siarod inšaha źviarnuŭsia da padziej 2020 hoda, kali va ŭsim śviecie prymali strohija karancinnyja miery padčas pandemii karanavirusu, a Biełaruś była adnoj z tych krain, ułady jakich dziejničali demanstratyŭna inakš. Ciapier Łukašenka pryznaŭsia, što adzinstva ŭ hetym pytańni ŭ jaho z padnačalenymi nie było. Nahadajem, što ŭ vyniku ad kavidu ŭ Biełarusi zahinuła kala 90 tysiač čałaviek.
«A dzie vy byli, pavažanyja siabry, kali pačałasia tak zvanaja pandemija? Kali ledź uładu nie zrynuli. Kali ja havaryŭ: chłopcy, treba iści ŭ hetym kirunku. I jamu havaryŭ (pakazvaje na ciapierašniaha kiraŭnika NANB Uładzimira Karanika. — NN), jon pracavaŭ tady ŭ mianie ministram achovy zdaroŭja. My ź im prajšli hety šlach nieparazumieńnia.
Kali jon pryjšoŭ da mianie, zakryŭ univiersitet niejki. Zakryŭ praz adnu niejkuju chvarobu. Ja ŭ jaho pytajusia: «A tabie chto daŭ prava zakryvać ustanovu?»
Hladzić na mianie: «Nu, ja dumaŭ…» Što ty dumaŭ? Prabač, što ja razmovu našu pieradaju. Ja jamu tady skazaŭ: «Idzi i lačy ludziej. Ratuj ludziej, a ŭniviersitety jość kamu zakryvać».
Śledam prybieh tahačasny premjer-ministr [Siarhiej Rumas]. Heta nie ty jaho tam padjudžvaŭ, sam prybieh. Usiu krainu na addalenku, zakryjemsia, bo Rasija zakryłasia.
Ja kažu: «Darahi moj, Rasija moža zakrycca na hod i paśla adkrycca, u jaje nafta, haz, zołata. U nas heta jość? U nas hetaha niama». I paśla pamiatajecie — spynicie hety karonapsichoz. Vy ž mianie zmačalili ŭdoŭž i ŭpopierak. I 20‑y hod — adna z pryčyn, što vy nie pavieryli».
Paśla pačatku pandemii karanavirusa ŭ Biełarusi zasakrecili źviestki pra śmiarotnaść, ale z danych, jakija zdabyli «Kibierpartyzany», stała viadoma, što za čas pandemii z 2020 pa 2022 hod zališniaja śmiarotnaść skłała zvyš 90 tysiač čałaviek. Hetyja straty nie mahli adbycca ni praz što inšaje, jak praz COVID-19. Śmiarotnaść pačała ŭzdymacca ŭ sakaviku 2020 hoda, kali ŭłady Biełarusi jašče całkam admaŭlali najaŭnaść pahrozy. Śmiarotnaść u Biełarusi značna pieravysiła pakazčyki ŭsich inšych krain Jeŭropy, havorka idzie pra dziasiatki tysiač zahublenych žyćciaŭ.
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady
U Minsku śmiarotnaść ad karanavirusa zanižali bolš čym u 4 razy
Ci stała bolej paśla karanavirusa sardečna-sasudzistych zachvorvańniaŭ? Voś što zaŭvažyli biełaruskija daktary
Pandemija skončyłasia, ale nastupstvy zastalisia. Što COVID-19 prynios Biełarusi?
Ciapier čytajuć
Vyzvalenaja 18‑hadovaja palitźniavolenaja Maryja Misiuk8
Vyzvalenaja 18‑hadovaja palitźniavolenaja Maryja Misiuk
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary