Litoŭskaja apazicyja atakuje ŭrad za toje, što miažu adkryli, a fury zastajucca ŭ pałonie
Apazicyjnyja frakcyi litoŭskaha Siejmu patrabujuć ad premjer-ministarki Inhi Ruhinienie rastłumačyć situacyju, jakaja ŭźnikła paśla adkryćcia 20 listapada dvuch pahraničnych punktaŭ ź Biełaruśsiu. Choć litoŭcy adnavili ruch praź miažu, biełaruski bok pa-raniejšamu nie prapuskaje litoŭskija hruzaviki i jany zastajucca zabłakavanymi na śpiecyjalnych stajankach, piša Delfi.lt.
Lidar apazicyjnaha Sajuza Ajčyny — chryścijanskich demakrataŭ Łaŭrynas Kaščunas zajaviŭ, što ŭ krainie praciahvajecca kryzis: fury nie mohuć viarnucca, padtrymki ad jeŭrapiejskich i rehijanalnych partnioraŭ niama, mietearaźviedvalnyja zondy pieraškadžajuć pracy aeraporta, a kantrabandysty aktyvizavalisia. Na jaho dumku, ministry zamiežnych, unutranych spravaŭ i finansaŭ nie spraŭlajucca sa svajoj pracaj, a ŭrad nie zabiaśpiečvaje naležnaj kaardynacyi.
Try apazicyjnyja frakcyi — kansiervatary, libierały i demakraty — inicyjavali sumiesnaje pasiadžeńnie, na jakoje zaprasili premjerku, kab atrymać tłumačeńni i daviedacca, ci isnuje płan vychadu z kryzisu. Zaprašeńnie nakiravana, ale adkazu na jaho, jak paviedamlajecca, pakul niama.
Litva adkryła miažu ŭnačy ź sierady na čaćvier, adnak litoŭskija pieravozčyki ŭsio jašče nie mohuć pakinuć biełaruskija stajanki.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary