«Pieradavaj pryvitańnie darosłym». Hanna Sieviaryniec adkazała Łazutkinu
U svaim fejsbuku Hanna Sieviaryniec daścipna adkazała na paviedamleńnie ŭ telehram-kanale Ministerstva adukacyi.
Andrej! Narešcie dabrałasia ja i da tvajho ese, dasłanaha mnie praz aficyjny telehram-kanał Ministerstva. Paprasi, kali łaska, darosłych nastupnym razam pierasyłać mnie tvaje raboty praz poštu, bo vas u mianie šmat, i ja mahu zabłytacca, praviarajučy šče i telehram-kanał. Tym nie mienš ese tvajo pračytała ŭvažliva.
Andrej! Znoŭ taja samaja prablema: tema nie raskrytaja. Ja prasiła adkazać na pytańnie «Jak buduć atestoŭvacca školniki?», a ty napisaŭ liryčnuju prozu na temu «Nastaŭniki ŭ adlustravańni apazicyjnych ŚMI». Łajfchak: kab nie źbivacca z temy, šukaj klučavyja słovy ŭ pačatkovym tekście i buduj svoj adkaz, vykarystoŭvajučy ich u kožnym abzacy.
Pa-druhoje, Andrej. Pieračytaj jašče raz parahraf «Funkcyjanalnyja styli movy». U aficyjna-dziełavym styli nie vykarystoŭvajucca słovy kštałtu «pierieobuťsia v pryžkie» ci «razhoniať tiezis». Parada: nie pišy aficyjnych tekstaŭ movaj, jakoj ty razmaŭlaješ ź siabrami.
Pa-treciaje. Vielmi zaŭvažnaja biednaść zapasu vietlivych farmulovak, Andrej. Hety tekst možna było b pačać słovami «My padzialajem zakłapočanaść nastaŭnikaŭ» albo «Usie našy namahańni skiravanyja na toje, kab dzieci avałodvali viedami» i hetak dalej. Zapišy, kali łaska, try radki hetych farmulovak u sšytak, kab zapomnić.
Pa drobiaziach: šmat taŭtałohii. Vučysia padbirać sinonimy. Što takoje sinonimy — pahladzi samastojna ŭ huhle.
Tak što, na žal, Andrej, pakul nieatestacyja. Pryvitańnie darosłym. Spasyłki na videaŭroki dašlu ŭ pryvat.
Tvaja A. K.
Kamientary