«Ludziej było!» Bajanist Vital Varanko raskazaŭ pra svaje ŭražańni ad šmattysiačnaha skandavańnia «Pieramien»
Padčas praŭładnaha kancerta ŭ Kijeŭskim skviery ŭ Minsku dvoje chłapcoŭ za dydžejskim pultam źnianacku ŭklučyli «Pieramien» Coja. Natoŭp sustreŭ ich avacyjami. A bajanist Vital Varanko, jaki byŭ na scenie, stajaŭ ahałomšany.
Vital — toj samy artyst, jaki źniaŭ klip «Baćka» ŭ padtrymku Łukašenki.
Jon raskazaŭ «Našaj Nivie», što na kancercie jamu zastavałasia vykanać litaralna dźvie pieśni.
«Źbiraŭsia prezientavać svaju pieśniu «Ružovy abcasik». Jana zajšła b — tam było šmat moładzi, i ja chacieŭ razhajdać jaje», — dzielicca artyst.
Bajanist kaža, što nie kryŭduje na chłapcoŭ i navat nie zasmuciŭsia.
«Ja svaju zadaču vykanaŭ. Tamu pakłaniŭsia, padziakavaŭ za padtrymku i vielmi intelihientna syšoŭ. Ja tolki krychu raśpieražyvaŭsia praz natoŭp. Bo ludziej zanadta šmat było! Zvyčajna dla takoj vialikaj aŭdytoryi staviać scenu, i jany nie mohuć tak blizka padyści», — padzialiŭsia Varanko.
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary