Pasejdon (Poseidon). Zastacca ŭ žyvych (Stay Alive).
Patopleny film
Pasejdon (Poseidon).
ZŠA, 2006, kalarovy, 99 chv.
Žanr: film-katastrofa.
Adznaka: 3 (z 10).
Ahramadnaja akieanskaja chvala nakryvaje karabiel «Pasejdon», jaki pierakulvajecca dahary nahami. Kupka hierojaŭ šukaje vyjścia ź niebiaśpiečnaje pastki.
Karcina Volfhana Petersana «Pasejdon», jakaja paŭtaraje siužet znakamitaha katastrofnika 1972 hodu, haniebna tonie. I ŭ hetym niama aničoha dziŭnaha. Za 34 hady śviet radykalna źmianiŭsia.
Kali ŭ kolišnich «Pryhodach «Pasejdona» rej vioŭ aŭtarytarny prapaviednik, to ŭ filmie Petersana hałoŭny vyzvalalnik – kartačny machlar (Džoš Łukas). Kali ŭ daŭniaje stužcy mielisia kanflikty, to ŭ «Pasejdonie» ŭsio zvodzicca da mlavych svarak dački z baćkam (Emi Rosum i Kurt Raseł).
Miortvaja karcina.
Hrafinia z kamputarnych hulniaŭ
Zastacca ŭ žyvych (Stay Alive).
ZŠA, 2006, kalarovy, 85 chv.
Žanr: moładzievaja žachaŭka.
Adznaka: 4,5 (z 10).
Hrupa padletkaŭ z Novaha Arleanu hraje ŭ krutuju kamputarnuju hulniu «Zastacca ŭ žyvych». Ale paśla śmierci ŭ virtualnaj prastory hieroi hinuć u realnaści.
Siužet filmu nie vyłučajecca naviznoju. Ale cymus karciny ŭ fihury zabojcy. Paznajomciesia – hrafinia Eržebet Batary (pamiž inšym – svajačka Ściapana Batury!) – kryvavaja mańjačka. Jaje niesupakojenaja duša adradziłasia ŭ kamputarnaj hulni i pieraśleduje niaščasnych padletkaŭ.
Asabliva rekamenduju karcinu zaciatym kamputarnym hulcam.
Kamientary