Pakul biełaruska haściavała ŭ Minsku, u jaje dom u Ispanii sprabavali zaleźci akupasy
Aksana Bułataja z Brestčyny ŭžo 16 hadoŭ žyvie ŭ Ispanii. Niadaŭna jana vyrašyła pryjechać na radzimu. I ŭ hety momant ledź nie straciła nieruchomaść u Jeŭrasajuzie.
Aksana raspaviała ŭ instahramie, što jaje ispanski dom u Valensii — heta sapraŭdnaja krepaść. Viedajučy prablemu z akupasami, jana imknułasia praduhledzieć usio: pastaviła sučasnuju sihnalizacyju na dom i dvor, padklučyła sistemu videanazirańnia pa pierymietry. Taksama jość braniavanyja dźviery i jakasnyja vokny — plus kratki paŭsiul. «Sioleta, jak uleźli ŭ dom siabroŭki, ja faktyčna arhanizavała ŭ domie kruhłasutačnaje nazirańnie», — raskazvaje jana.
Akupasy ŭ Ispanii — heta ludzi, jakija niezakonna zasialajucca ŭ čužoje, časta pustoje, žyllo, a praz pavolnyja sudy i mocnuju pravavuju abaronu ŭžo zaniataha žylla ŭłaśnikam byvaje ciažka ich vysielić: na heta moža syści šmat miesiacaŭ i vialikija hrošy.
Trevieł-błohierka była ŭpeŭnienaja, što jaje nieruchomaść u biaśpiecy, ale kab dadatkova padstrachavacca na čas adjezdu, prapanavała ŭsio leta žyć u domie svaim dzieciam i dzieciam siabroŭki.
Tym nie mienš, adnojčy nočču dzieci Aksany pryjechali da doma i ŭbačyli ŭ dvary dziŭnuju ciemnaskuruju kampaniju. Dvoje darosłych i čaćviora dziaciej chadzili vakoł žylla ź lichtarykami.
Jany byli dobra adzietyja, pryjechali na niatannaj mašynie i razmaŭlali pamiž saboj pa-niamiecku. Syn Aksany spytaŭ u nieznajomcaŭ, chto jany takija i što robiać tut.
Tyja nie razhubilisia i zajavili, byccam zareziervavali žyllo praz Airbnb i navat prademanstravali ŭ telefonie adras Aksany i niejkija klučy. Błohierka ŭpeŭnienaja, što klučy byli niejkija čužyja.
Paśla taho, jak ich zastukali na haračym, siamja vielmi chutka sieła ŭ mašynu i pajechała, nie staŭšy raźvivać lehiendu pra arendnaje žyllo.
Dačka Aksany źviarnułasia ŭ palicyju — tam paabiacali niekalki dzion patrulavać rajon.
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć
Kolki kaštuje prabić koła ŭ Barsiełonie: darahi dośvied čempijonki śvietu pa biehu Maryny Arzamasavaj
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami23
Kamientary
Nie ŭrad, a bajstuki- sacyjalisty! Abaraniajuć złodziejaŭ, a nie ŭłaśnikaŭ.