Uzajemadziejańnie Rasii i Biełarusi ŭ ramkach Sajuznaj dziaržavy, u tym liku pa linii śpiecsłužbaŭ, ažyćciaŭlajecca na pastajannaj asnovie, i jano nie źviazana z padziejami ŭ Minsku, zajaviŭ pres-sakratar prezidenta RF Dźmitryj Piaskoŭ, piša «Interfaks».
«Nastolki šyrokaje idzie ŭzajemadziejańnie, pryčym heta nijak nie źviazana z padziejami ŭ Biełarusi, heta ŭzajemadziejańnie mieła miesca i raniej», — skazaŭ Piaskoŭ žurnalistam, adkazvajučy na pytańnie, čamu raniej nie była anansavanaja sustreča kiraŭnika SVR Siarhieja Naryškina z Alaksandram Łukašenkam i jakaja meta vizitu kiraŭnika Słužby źniešniaj raźviedki ŭ Minsk.
Piaskoŭ zaŭvažyŭ, što nie zaŭsiody padziei i kantakty anansujucca zahadzia. Pry hetym Piaskoŭ nie staŭ kankretyzavać płan vizitu Naryškina. «Nie mahu vam skazać, usio ž taki heta dosyć adčuvalnyja vobłaści pracy i supracoŭnictva, tamu heta nie moža być hramadska-dastupnaj infarmacyjaj», — skazaŭ jon.
Havoračy pra supracoŭnictva śpiecsłužbaŭ Rasii i Biełarusi, Piaskoŭ zaŭvažyŭ, što ŭ ramkach Sajuznaj dziaržavy isnujuć miechanizmy ŭzajemadziejańnia pa ŭsich napramkach. «Tamu adbyvajecca i abmien infarmacyjaj, i sumiesnyja mierapryjemstvy, i hetak dalej, abmien vizitami, abmien kantaktami, tamu heta całkam narmalnaje ŭzajemadziejańnie ŭ ramkach Sajuznaj dziaržavy», — skazaŭ pres-sakratar kiraŭnika dziaržavy.
Ciapier čytajuć
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było3
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary