Pra toje, što razmova adbyłasia, paviedamlaje telehram-kanał «Puł pieršaha». Užo viadoma, što zvanok doŭžyŭsia paŭhadziny.
Nahadajem, vysoki amierykanski hość naviedvaŭ Biełaruś nie tak daŭno — u lutym 2020-ha.
Pra što ž jany havaryli?
Jak paviedamlaje aficyjny kanał Łukašenki, dziaržsakratar padkreśliŭ, što niaźmienna zastajecca prychilnikam suvierenitetu i niezaležnaści našaj krainy i prychilnikam raźvićcia supracoŭnictva ź Biełaruśsiu.
Łukašenka zapeŭnivaŭ surazmoŭcu ŭ nacyjanalnym dyjałohu, jaki ciapier aktyŭna viadziecca ŭ Biełarusi. I ŭ svaju čarhu padkreśliŭ, što Rasija źjaŭlajecca hałoŭnym sajuźnikam, asabliva adznačyŭ padtrymku, jakaja, pa jaho słovach, akazvajecca ŭ dadzieny pieryjad.
Rasija nie ŭmiešvajecca va ŭnutranyja spravy Biełarusi, pierakanany Łukašenka, pry hetym krainy hatovyja sumiesna reahavać na źniešnija pahrozy.
Zhadaŭ Łukašenka i pra damovu ŭ miežach ADKB — pa abaronie ahulnaj prastory — u vypadku źniešniaj ahresii z boku Polščy, Litvy ci inšych krain — Biełaruś i Rasija buduć vymušanyja reahavać.
Pampiea adznačyŭ, što ni ad NATA, ni ad Polščy i Litvy padobnaj pahrozy nie varta bajacca, bo jaje nie isnuje.
«My vystupajem za mirnaje i spakojnaje vyrašeńnie ŭsich kanfliktaŭ, u tym liku na źniešnim kontury», — rapartuje «Puł pieršaha».
Padčas razmovy havaryli pra los adnaho z hramadzian ZŠA i Respubliki Biełaruś.
Naprykancy Łukašenka pažadaŭ pośpiechaŭ u praviadzieńni palityčnaj kampanii ŭ ZŠA ŭ cełym i asabista Donaldu Trampu.
Ciapier čytajuć
Padazronaha aktyvista-stukača Paŭła Bialucina pryvieźli z Turcyi3
Padazronaha aktyvista-stukača Paŭła Bialucina pryvieźli z Turcyi
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1313
Kamientary