Ministr zamiežnych spraŭ Ukrainy Dźmitryj Kuleba zajaviŭ, što słoŭ, jakija pryvioŭ Łukašenka, u jaho «pierachoplenych razmovach» ź niamieckim kaleham Chajka Maasam nie hučała. Pra heta jon napisaŭ u svaim Twitter-akaŭncie.
«Nijakich takich słoŭ u našych razmovach z Chajka Maasam nie hučała. Ja pryncypova suprać taho, kab «dušyć Biełaruś», jaje biznes i vytvorčaść. Ja, naadvarot, za toje, kab dać Biełarusi dychać svabodna», — adkazaŭ jon.
27 listapada Łukašenka naviedvaŭ Haradskuju kliničnuju balnicu №6 u Miensku i ŭ razmovie ź lekarami ahučyŭ «źviestki śpiecsłužbaŭ» ab padrychtoŭcy pieravarotu ŭ Biełarusi.
«Listapad miesiac — cikavaja pazicyja ŭkraincaŭ, ja abraŭ admysłova pa Ukrainie. Kuleba zajaviŭ kiraŭniku MZS Hiermanii, cytata: «My hublajem našy mahčymaści, nie pradprymajučy rašučych mier (u Biełarusi). Jeŭrasajuzu varta ŭvieści surjoznyja sankcyi suprać Biełarusi, kab paralizavać dziejnaść dziaržavy, i biznesu, i vytvorčaściej». Im što treba? My ž zaŭsiody, navat rasiejcy na mianie zaŭsiody kryŭdzilisia: «Nu čamu ty ŭkraincaŭ padtrymlivaješ?» — skazaŭ Łukašenka.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary