Savinych choča pryniać zakon ab «zamiežnych ahientach» — jak u Rasii
U Biełarusi mohuć pryniać zakon ab zamiežnych ahientach pa prykładzie anałahičnaha zakona, jaki dziejničaje ŭ Rasii. Pra heta zajaviŭ staršynia pastajannaj kamisii Pałaty pradstaŭnikoŭ Andrej Savinych, piša «Rośsijskaja hazieta».
15 śniežnia Savinych praź videasuviaź uziaŭ udzieł u pasiadžeńni časovaj kamisii Savieta Fiederacyi Rasii pa abaronie dziaržaŭnaha suvierenitetu. Pavodle jaho słoŭ, Biełaruś pavinna abaranicca.
«Kali my havorym ab upłyvie źniešnich sił na hramadskaje mierkavańnie i paradak dnia, nam vielmi ciažka acanić charaktar hetaha ŭpłyvu, tamu što vielmi časta jon maskirujecca pad kłasičny mižnarodny hramadski paradak dnia dla supracoŭnictva. Vielmi časta… ažyćciaŭlajecca ŭ ramkach prahram, jakija naceleny na ŭstojlivaje raźvićcio, dasiahnieńnie hiendarnaj roŭnaści, roznych prahram vyratavańnia klimatu», — śćviardžaje Savinych.
Jon paprasiŭ rasijskich deputataŭ padzialicca napracoŭkami ŭ hetaj halinie:
«Ja dumaju, najbližejšaja zadača, jakaja budzie stajać pierad nami, — heta pryniaćcie zakona ab zamiežnych ahientach».
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary