MUS pra razhon kancerta pad Smalavičami: Aktyvisty destruktyŭnych telehram-kanałaŭ sabralisia pad vyhladam viečarynki
Pres-słužba MUS adrapartavała ab zatrymańni dziasiatkaŭ ludziej na muzyčnaj viečaryncy pad Smalavičami. Nahadajem, pozna ŭviečary 13 lutaha na bazie adpačynku «Ahaniok» u pasiołku Sokał Smalavickaha rajona siłaviki zatrymali ŭdzielnikaŭ i hledačoŭ kancerta biełaruskich hurtoŭ RSP («Raźbitaje serca pacana»), Panska Moc i Ok-Band.
U MUS paviedamili, što supracoŭniki milicyi spynili «niesankcyjanavanaje masavaje mierapryjemstva z vykarystańniem bčb-simvoliki». Na dumku milicyi, «pad vyhladam muzyčnaj viečarynki na azdaraŭlenčaj bazie kala Smalavičaŭ sabralisia aktyvisty destruktyŭnych telehram-kanałaŭ».
Usiaho było zatrymana 68 čałaviek, uklučajučy niepaŭnaletnich. Na darosłych składzienyja pratakoły za parušeńnie paradku arhanizacyi abo praviadzieńnia masavych mierapryjemstvaŭ, a ŭ dačynieńni da baćkoŭ zatrymanych padletkaŭ pravodzicca pravierka pa fakcie nievykanańnia imi abaviazkaŭ pa vychavańni dziaciej.
Na hety momant dziesiać čałaviek adpuścili (niepaŭnaletnich i tych, u kaho na ŭtrymańni małaletnija).
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary