«Naniesła niekalki ŭdaraŭ Azaronku». Śledstva pa spravie pierakładčycy Volhi Kałackaj skončanaje
Pierakładčycu i vykładčycu anhlijskaj movy Volhu Kałackuju zatrymali roŭna miesiac tamu padčas zaniatkaŭ, joj pahražaje da šaści hadoŭ, nahadvaje BAŽ.
Jaje vinavaciać u złosnym chulihanstvie (art. 339 Kryminalnaha kodeksa) — nibyta padčas adnoj z akcyj pratestu Volha naniesła niekalki ŭdaraŭ supracoŭniku STB Ryhoru Azaronku.
Niekalki tydniaŭ tamu ŭ kvatery 89-hadovaj maci Kałackaj, a taksama ŭ kvatery samoj Volhi śledčyja praviali pieratrusy. Učora, 14 lutaha, adzin sa śledčych pa spravie znoŭ naviedaŭ doma mamu Kałackaj. Pa słovach žančyny, razmova ciahnułasia kala 30 chvilin i tyčyłasia jaje dački i chutkaj pieradačy spravy ŭ sud.
Ad 19 studzienia Volha Kałackaja znachodzicca ŭ žodzinskim SIZA. Ciapier śledstva pa spravie skončanaje, nieŭzabavie spravu pieradaduć u sud.
Pavodle č.2 art. 339 Volzie Kałackaj pahražaje aryšt albo abmiežavańnie voli da 3 hadoŭ, albo pazbaŭleńnie voli da 6 hadoŭ.
Volha Kałackaja nie źjaŭlajecca žurnalistkaj, ale jaje zatrymańnie vyklikała šyroki rozhałas u kole biełaruskaj intelihiencyi. Spadarynia Volha šmat pracavała z žurnalistami — vykładała dla ich anhlijskuju movu, rabiła pierakłady.
U svoj čas Volha pierakłała na biełaruskuju movu dziasiatki filmaŭ, sieryjałaŭ i knih, u tym liku Virdžynii Vułf, Tenesi Ŭiljamsa, Uiljama Hołdynha, Poła Ostera, Toni Parsanza, Artura Hołdena, «Hładyjatar», «Šrek», «Siamiejku Śmitaŭ» dy inšyja.
Z patrabavańniem nieadkładna vyzvalić Volhu vystupiŭ Amierykanski PEN (PEN America) i viadomaja kanadskaja piśmieńnica Marharet Etvud.
Volha Kałackaja žyvie ŭ Minsku z 89-hadovaj maci, jakoj patrabujecca dahlad. Ciapier dapamahać maci adhuknulisia siabry i vučni Volhi.
-
Urad zaćvierdziŭ dziaržzakaz na ahurki i pamidory
-
«Pipiec… A padciracca čekam?» Biełarusy abmiarkoŭvajuć kviest z naviedvańniem prybiralni na vakzale ŭ Dokšycach
-
«Zatoje nie było adčuvańnia, što ty źvier». Sieviaryniec raspavioŭ, u jakuju pakutu pieratvarajecca ŭ źniavoleńni zvyčajnaje pytańnie hihijeny
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary