Doma ŭ jaho praviali pieratrus, zabrali arhtechniku. Brat Alaksandra paviedamiŭ, što paŭtarali niešta pra narkotyki, piša «Pieršy rehijon».
Kala 9-j hadziny ranicy siłaviki prybyli dadomu da žychara Bresta Alaksandra Kaźlanki. Pra heta paviedamiŭ brescki lidar Svabodnaha prafsajuza Biełaruskaha Valancin Łazarenkaŭ. Siabram hetaha prafsajuza źjaŭlajecca Kaźlanka.
«Hučali niejkija padazreńni ŭ zachoŭvańni abo raspaŭsiudzie narkotykaŭ. Dla mianie heta absurdna, ja viedaju Alaksandra jak čałavieka, jaki nie palić, nie pje, vystupaje za zdarovy ład žyćcia», — kaža Valancin Łazarenkaŭ.
Brat Alaksandra Dźmitryj raspavioŭ Łazarenkavu, što zatrymlivali davoli žorstka. Dźmitryja pakłali na padłohu tvaram uniz.
«Zatrymańnie adbyvałasia na vačach u maci i baćki, pa słovach Dźmitryja, baćka ledź prytomnaść nie straciŭ», — kaža Valancin Łazarenkaŭ.
U Alaksandra Kaźlanki doma kanfiskavali arhtechniku, telefony. Kudy jaho advieźli, pakul što nie viadoma.
Za apošnija hady, kaža Valancin Łazarenkaŭ, Alaksandra nie raz zatrymlivali. Jon prytrymlivajecca anarchičnych pohladaŭ.
Ciapier čytajuć
Litva znoŭ začyniła miažu ź Biełaruśsiu — iznoŭ šary z kantrabandaj13
Kamientary