Naskievič: Ź leta 2020 hoda raspačata 2407 kryminalnych spraŭ «ekstremisckaj nakiravanaści»
U Biełarusi ź leta minułaha hoda zaviedziena bolš za 2400 kryminalnych spraŭ ekstremisckaj nakiravanaści. Pra heta 4 sakavika raskazaŭ staršynia Śledčaha kamiteta Ivan Naskievič padčas naviedvańnia «Homsielmaša», paviedamlaje Tut.by sa spasyłkaj na STB.
Z momantu postelektaralnych padziej 2020 hoda ŭ Biełarusi raspačata 2407 kryminalnych spraŭ ekstremisckaj nakiravanaści. U hetuju ličbu ŭklučany ŭsie «palityčnyja» spravy — ad nadpisaŭ na budynkach da prymianieńnia hvałtu ŭ dačynieńni da pravaachoŭnikaŭ.
Nahadajem, tydniem raniej Ivan Naskievič paviedamiŭ, što raspačata i rasśledujecca bolš za 2300 kryminalnych spraŭ ekstremisckaj nakiravanaści.
Pry hetym, pavodle aficyjnych źviestak na 9 vieraśnia 2020 hoda, u Śledčy kamitet Biełarusi pastupiła bolš za 1800 skarhaŭ ad hramadzian na katavańni i niezakonnaje ŭžyvańnie fizičnaha hvałtu z boku pravaachoŭnikaŭ. Pa stanie na 31 śniežnia 2020 hoda ŭ dačynieńni da supracoŭnikaŭ pravaachoŭnych orhanaŭ nie było zaviedziena nivodnaj kryminalnaj spravy.
Kamientary