BATE zvolniŭ dyktara «Barysaŭ-Areny». Raniej toj vykazvaŭsia pra dziejańni siłavikoŭ
BATE abviaściŭ ab spynieńni supracoŭnictva z dyktaram «Barysaŭ-Areny» Kanstancinam Kavierynym, jaki da hetaha prapracavaŭ 7 hadoŭ u kłubie.
«Viadučy papularnaha šou «Ranica ŭ vialikim horadzie» na radyjo Unistar, addany fanat futboła Kavieryn u supracoŭnictvie ź mieniedžmientam FK BATE zmoh znajści kanceptualna novyja padychody da arhanizacyi viadzieńnia matčaŭ i raźvić kulturu zaŭziatarstva na trybunach našaha stadyjona. Razam z Kościem padtrymka trybun stała zładžanaj i jarkaj… Bieź iłžyvaj ścipłaści jon byŭ nieadjemnaj častkaj luboha mierapryjemstva kłuba!
Ale prychodzić momant, kali treba ruchacca dalej. My abjaŭlajem, što ź siezona-2021 naša supracoŭnictva z Kanstancinam Kavierynym spyniajecca. Ad imia kiraŭnictva, mieniedžmientu i kamandy BATE, ad imia ŭsich zaŭziataraŭ «žoŭta-sinich» dziakujem Kanstancinu za jaho pracu, za addanaść kłubu i vydatnyja čałaviečyja jakaści! Zyčym mocnaha zdaroŭja i pośpiechaŭ va ŭsich pačynańniach!» — havorycca ŭ paviedamleńni BATE.
Raniej Kanstancin niehatyŭna vykazvaŭsia ab dziejańniach siłavikoŭ u Biełarusi paśla vybaraŭ u žniŭni 2020 hoda, adznačaje Tut.by.
Paźniej svajo zvalnieńnie prakamientavaŭ sam Kanstancin:
«Takim čynam, našy adnosiny z BATE — usio. Pa-pieršaje, heta vielmi baluča. Pa-druhoje, brydka. Čamu brydka? Nu, pasprabujcie sami skłaści dva i dva.
Heta była vielmi vialikaja častka majho žyćcia. Moža być, navat zanadta vialikaja. I zusim dakładna heta nie było prosta pracaj. Pracu ž pamianiać možna, tak?
Viadoma, ja nie zmahu pierastać zaŭzieć za hetuju kamandu. Lublu vas, chłopcy. Ale da čaho ž brydka, kali b vy tolki viedali!» — napisaŭ Kavieryn.
-
Muzyčny kiraŭnik dziciačaha sadka z Karmy razam z žonkaj staŭ zorkaj sacsietak. Užo navat buchoha Ihara abyšoŭ
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak41
Kamientary