U dyrekcyi «Słavianskaha bazaru» pryznali, što artysty admaŭlajucca ad vystupaŭ
Tvorčaść i ŭzajemnaja pavaha zaŭsiody vyłučali fiestyvalnuju atmaśfieru Viciebska. Takoje paviedamleńnie raźmiaściła ŭ aficyjnym Instagram-akaŭncie dyrekcyja fiestyvalu.
«Na minułym tydni my abviaścili pieršych udzielnikaŭ, jakich zaprašajem u lipieni ŭ Viciebsk, na naš jubilejny fiestyval. Adnak chvala zvarotaŭ, jakija masava stali atrymlivać hetyja artysty ŭ svaich akaŭntach, stvaryła niepryjemnaje napružańnie i ciapier pieraškadžaje padrychtoŭcy fiestyvalu. Emacyjny cisk zmušaje tvorčych ludziej mianiać pryniatyja rašeńni. Miarkujem, hledačy i artysty ni ŭ jakim vypadku nie pavinny być aburanyja, bo asabisty vybar kožnaha varty pavahi», — adznačyli arhanizatary.
Nahadajem, raniej nakont «Bazaru» vykazalisia komik Michaił Hałuścian i śpiavak Alaksandr Ivanoŭ. Jany vykazali salidarnaść ź biełarusami i zajavili, što ich uklučyli ŭ śpis udzielnikaŭ bieź ich viedama. Jany ŭ Viciebsk nie pryjeduć, jak i repier Homie, jaki admoviŭsia ad zaprašeńnia. Admoviłasia ad vystupu i ŭkrainskaja śpiavačka Maruv.
Za vystupy rasijskich zorak arhanizatary fiestyvalu płaciać vialikija hrošy, u toj ža čas dziasiatki biełaruskich hurtoŭ znachodziacca ŭ «čornych śpisach» i nie mohuć davać kancertaŭ u svajoj krainie.
U Instahramie ŭ zvarotach da artystaŭ, zaprošanych u Viciebsk, ludzi raskazvajuć pra masavyja falsifikacyi, aryšty i katavańni.
Raniej u vyniku zvarotaŭ da artystaŭ biełarusy vymusili łukašenkaŭcaŭ admianić ahitacyjnyja kancerty napiaredadni vybaraŭ, praktyčna ŭsie zamiežnyja zorki admovilisia jechać.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym8
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary