Navukoŭcy znajšli sposab źbirać uzory DNK u pavietry
Brytanskija navukoŭcy vyjavili, što DNK žyvioł i čałavieka možna ŭziać prosta z pavietra.
Zhodna z novym daśledavańniem, raspracoŭka navukoŭcaŭ dazvolić stvaryć technałohiju, jakaja budzie karysnaj u sudovaj miedycynie, archieałohii, ekałohii i inšych śfierach, piša Sky News.
Ludzi i žyvioły pakidajuć svaju DNK litaralna paŭsiul. Uzory DNK možna znajści ŭ vadzie, hlebie i pavietry. Heta źjaŭlajecca važnaj krynicaj infarmacyi pra formy žyćcia, jakija nasialajuć abo nasialali našu płanietu.
Kamanda navukoŭcaŭ pad kiraŭnictvam Elizabiet Kłer, staršaj vykładčycy Łondanskaha ŭniviersiteta karalevy Maryi, apublikavała pieršyja dokazy taho, što proby pavietra mohuć być krynicaj DNK žyvioł i ludziej.
DNK raślin i hryboŭ źbirali z pavietra i raniej, ale anałahičnych daśledavańniaŭ dla žyvioł nie było.
Daśledčyki pamiaścili ŭ pakoj hołych ziemlakopaŭ, i jany doŭhi čas žyli ŭ adnym i tym ža miescy. U hołych ziemlakopaŭ niama poŭści, tamu heta pavialičvała imaviernaść, što jany pakinuć u pakoi šmat kletak skury, jakija źjaŭlajucca najlepšaj krynicaj DNK.
Z dapamohaj filtraŭ daśledčykam udałosia vyłavić DNK ziemlakopaŭ z pavietra. Kampanient filtra znachodzicca ŭ płastykavaj kamiery, jakaja zachoŭvaje ŭzory DNK sterylnymi, a pompa ŭciahvaje pavietra ŭ sistemu filtracyi, što dazvalaje efiektyŭna źbirać DNK z pavietra.
-
U Rasii dla Android zrabili niezvyčajnuju kłavijaturu— jana adrazu pakazvaje termin za kamientar, što vy napisali
-
Navukoŭcy razhadali tajamnicu naradžeńnia Miesiaca
-
Nazad da ručki i zabarona na smartfony: univiersitety vymušanyja źmianiać farmat zaniatkaŭ i kantrolnych, inakš ŠI nie daje ni vučyć, ni pravieryć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary