Mikrapłastyk u atmaśfiery Ziamli maje svoj kruhazvarot
Novaje daśledavańnie vyjaviła, što viatry pieranosiać drobnyja čaścinki płastyku praz cełyja kantynienty.
Bolšaja častka płastykavych adkidaŭ traplaje na śmietniki, spalvajecca abo pierapracoŭvajecca. Adnak da 18% płastyku traplaje ŭ atmaśfieru. Sprava ŭ tym, što płastyk nie pierahnivaje, a pastupova raspadajecca na mienšyja čaścinki, u vyniku čaho atrymlivajecca mikrapłastyk, jaki viecier padchoplivaje ŭ pavietra.
«Pa pryncypie hłabalnych bijahieachimičnych cykłaŭ, płastmasa ciapier krucicca pa śpirali vakoł ziamnoha šara», - adznačajecca ŭ daśledavańni, praviedzienym navukoŭcami z Univiersiteta štata Juta i Karnelskaha ŭniviersiteta.
Heta značyć, što bolšaja častka płastyku, jaki traplaje ŭ mora ci znachodzicca na sušy, apynajecca ŭ atmaśfiery i tym samym stvaraje patencyjnuju niebiaśpieku dla ekasistem. I choć nazirajecca značny prahres u raspracoŭcy bijaraskładalnych palimieraŭ, mikrapłastyk zastaniecca cyrkulavać u atmaśfiery jašče doŭhi čas, piša CNN.
Daśledčyki adznačajuć, što jany vyjavili mikrapłastyk va ŭsich častkach śvietu. I hetyja płastykavyja čaścinki pieramiaščajucca pa płaniecie dziesiacihodździami.
Jak tolki płastyk traplaje ŭ atmaśfieru, jon moža zastavacca ŭ pavietry da šaści dzion. Za hety čas čaścinki pieramiaščajucca praz akijany i kantynienty, a zatym asadžajucca na ziamlu. Zhodna z daśledavańniem, bolš za ŭsio mikrapłastyku asadžajecca ŭ ZŠA, Jeŭropie, Indyi i Uschodniaj Azii.
Nieviadoma, jakija nastupstvy heta moža mieć dla zdaroŭja čałavieka i ekasistem. Ale čaścicy źjaŭlajecca pieranosčykami zabrudžvalnych rečyvaŭ, udychańnie jakich moža pryvodzić da rostu chraničnych zachvorvańniaŭ lohkich.
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary