U sakaviku hałoŭnaha redaktara Tut.by Marynu Zołatavu vyklikali ŭ HUBAZiK i aznajomili z papiaredžańniem ab niedapuščalnaści parušeńnia zakanadaŭstva ab ekstremiźmie (pry hetym kopiju papiaredžańnia navat nie vydali na ruki!), paviedamlaje vydańnie.
Padstavaj staŭ banier, jaki adlustroŭvaŭsia ŭ ramkach partniorstva z rekłamnymi sietkami Jandeksa i Google — to-bok banier, pakazy jakoha redakcyja navat nie moža pradbačyć. Bolš za toje, u HUBAZiK navat nie paviedamili, kudy karystalnik pierachodziŭ, kliknuŭšy na hety banier.
Praź miesiac paśla incydentu karespandentka «SB. Biełaruś siehodnia» Ludmiła Hładkaja raźmiaściła skrynšot z tym samym banieram u svaim artykule z zahałoŭkam «U čyich intaresach pracuje TUT.BY?».
Pry hetym aŭtar nie ŭkazała, što papiaredžańnie było atrymana mienavita za čužy banier.
«Suviazi z arhanizatarami biesparadkaŭ elektronny resurs i nie chavaje. Voś, kali łaska, hałoŭnaj navinoj u bieła-čyrvonych kolerach: «U Biełarusi 23 403 nasielenyja punkty. Horad naš!» O jak…» — upeŭniena piša jana.
Infarmacyja ab papiaredžańni ad HUBAZiK raźmieščanaja pobač z zaŭvahaj «Resurs apublikavaŭ artykuł «top-10 sudździaŭ, jakija dali bolš za ŭsio sutak administracyjna zatrymanym», dzie apublikavaŭ źviestki pra ludziej. Paznačyŭ mety. Dobra, pašpartnyja danyja nie vykłaŭ. Ale heta pakul».
Z čaho možna zrabić vysnovu, što papiaredžańnie TUT.BY atrymaŭ mienavita za hety artykuł. Ale heta nie tak. Što tyčycca topu sudździaŭ, to heta adkrytaja infarmacyja, sudovyja pracesy źjaŭlajucca adkrytymi, a sudździ vystupajuć na ich pad svaimi imionami.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj2
Kamientary