Miormiejdynh, ci, jak jaho jašče kličuć, rusałčyn dajvinh — novy styl padvodnaha płavańnia. Hety styl nie praduhledžvaje karystańnie bałonami z kisłarodam ci niejkim inšym abstalavańniem dla dajvinhu. Usio, što jość u dajviera, — heta rusałčyn chvost.
U adroźnieńnie ad inšych vidaŭ dajvinhu, padčas miormiejdynhu płyviec nie moža svabodna ruchać nahami, bo jamu pieraškadžaje chvost. Tamu asnoŭnaja nahruzka ŭ sučasnych rusałak idzie na muskuły presa. Patrebna praktyka, kab navučycca pryhoža płavać u takim styli, nibyta delfin, raspaviadaje CNN.
U apošnija niekalki hadoŭ miormiejdynh atrymlivaje ŭsio bolšuju papularnaść va ŭsim śviecie. U krainach ad Sinhapura da ZŠA źjaŭlajucca škoły rusałačynaha dajvinhu, ale mienavita ŭ Kitai miormiejdynh zrabiŭsia adnym z samych haračych trendaŭ.
Suśvietnaja sietka kamiercyjnych centraŭ i škoł dajvinhu PADI niadaŭna zapuściła ŭ Kitai čatyry kursy, pryśviečanyja miormiejdynhu. Prajšło čatyry miesiacy, i ciapier 30% usich siertyfikataŭ, što vydajuć vypusknikam kursaŭ centry PADI, źviazanyja z rusałčynym trendam. Kampanija SSI, jakaja taksama navučaje dajvinhu, ciapier maje ŭ Kitai bolš za tysiaču instruktaraŭ pa miormiejdynhu, i pry hetym vid sportu nie spyniajecca ŭ roście. Niekatoryja filijały SSI navat pracujuć tolki ź miormiejdynham — i pracujuć paśpiachova.
U Kitai nie tak šmat času viadziecca padrychtoŭka dajvieraŭ, ale za apošnija dziesiać hod ich kolkaść u Padniabiesnaj mocna ŭzrasła. U 2018 hodzie va ŭsim śviecie rost kolkaści vydadzienych siertyfikataŭ u dajvinhu skłaŭ 5%, u Kitai hety ž pakazčyk nabraŭ ažno 40%. Kitajskija dajviery — samyja maładyja ŭ śviecie, a kitajanki składajuć amal 50% z usich dajvieraŭ śvietu. Mahčyma, chutka praz papularnaść miormiejdynhu hetaja ličba budzie jašče vyšejšaj.
Ale rusałčyn dajvinh — heta zaniatak nie tolki dla žančyn. Amatary kličuć miormiejdynh vidam sportu dla kožnaha, a taksama śćviardžajuć, što na kursach pa takim dajvinhu šmat uvahi nadajecca biaśpiecy, u dadatak jany dajuć dobry nastroj.
-
Hety architektar prajektuje padziemnyja harady dla samych bahatych na vypadak Treciaj suśvietnaj vajny
-
Zornaja biełaruskaja intelektuałka pajšła na realici ad TNT — budzie pleści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary