Spartsmienka-transhiendar upieršyniu ŭ historyi adabrałasia na Alimpijadu
Ciažkaatletka-transhiendar z Novaj Ziełandyi Łoreł Chabard zabiaśpiečyła sabie pucioŭku na Alimpijskija hulni ŭ Tokia paśla zaćviardžeńnia Mižnarodnym alimpijskim kamitetam (MAK) novych praviłaŭ adboru, piša RBK.
Chabard zajmaje ŭ suśvietnym rejtynhu ŭ vahavoj katehoryi da 87 kh tolki 16-je miesca. Adnak pa mienšaj miery šaściora z tych, chto stajać vyšej za jaje, nie zmohuć vystupić na Alimpijadzie, jakaja projdzie ŭ japonskaj stalicy z 23 lipienia da 8 žniŭnia.
Chabard budzie kvalifikavana ŭ jakaści najlepšaj spartsmienki z Akijanii. Jaje najlepšy vynik u kvalifikacyi skłaŭ 285 kh.
Spartsmienka z Novaj Ziełandyi moža stać pieršym u historyi transhiendaram, jaki vystupiŭ na Alimpijskich hulniach. Akramia taho, u svaje 43 hady Chabard moža stać samaj uzrostavaj ciažkaatletkaj na hetych mižnarodnych spabornictvach.
Chabard źmianiła poł u 2012 hodzie. Da hetaha jana spaborničała pad imiem Hevin Chabard, ale tady na jaje rachunku nie było vialikich pośpiechaŭ. A ŭ 2017 hodzie jana vyjhrała siarebrany miedal čempijanatu śvietu.
U studzieni 2016 hoda MAK dazvoliŭ spartsmienam-transhiendaram vystupać na lubych spabornictvach, u tym liku Alimpijadach, biez apieracyi pa źmienie połu. Taki spartsmien pavinien tolki paćvierdzić, što jaho ŭzrovień testasteronu nižejšy za peŭnuju płanku.
Kamientary