«Jak vam atrymałasia ŭ adnym miescy sabrać stolki frykaŭ?»: Błohiery-jabaćki žorstka pierasvarylisia miž saboj
22 maja ŭ industryjalnym parku «Vialiki kamień» prajšoŭ treci źjezd praŭładnych błohieraŭ.
Adnak tudy nie paklikali bresckaha błohiera Alaksieja Holikava — taho samaha, kaho zaprašaŭ da siabie ŭ pieradaču kiraŭnik ANT Marat Markaŭ, a ŭ hości da samoha viadučaha prychodziŭ eks-ministr unutranych spraŭ Juryj Karajeŭ. Čamu tak stałasia?
Reč u tym, što ŭ adnym z rolikaŭ Holikaŭ paraŭnaŭ banderaŭcaŭ z kamunistami, skazaŭ, što nie bačyć pamiž hetymi źjavami roźnicu. Haradzieniec Valancin Railčanka (taksama jutub-błohier) z hetaj nahody navat źviarnuŭsia ŭ prakuraturu ŭ «suviazi z abaronaj honaru i hodnaści kamunistaŭ, jakija addali svaje žyćci ŭ čas Vialikaj Ajčynnaj vajny».
Va ŭłasnym videa Holikaŭ kaža, što arhanizataram mierapryjemstva «pryniata ličyć» muzykanta Cimura Prachina.
«Jon ličyć siabie papularnym błohieram, patryjotam i muzykantam. Dadatkovyja źviestki: raźviedzieny, žyvie z mamaj». Holikaŭ kaža, što paprasiŭ Illu Biehuna zapisać aŭdyja źjezda, ale toj raskazaŭ pra hetuju prośbu arhanizataram. «Kali čałaviek staŭ zdradnikam adnojčy, to takim zastaniecca, pa sutnaści, nazaŭsiody. Biahun zdradziŭ dziaržavie, potym apazicyi, ja ŭžo nie kažu pra siabie», — charaktarystyka ad Holikava.
Pryviedzienyja kadry, dzie toj samy Railčanka nazyvaje Holikava «pid…asam končanym», a taksama raskazvaje, što bieraściejec prachodziŭ praktyku na «Biełsacie». Nasamreč Holikaŭ pracavaŭ u niezaležnym vydańni «Brescki kurjer» i da «Biełsata» dačynieńnia nie mieŭ.
Railčanka miarkuje, što Holikava śpiecyjalna zakinuli «ŭ našu hramadu, kab jon jaje razburaŭ znutry».
«Ja jamu vyniesu ŭsie jaho vaniučyja zuby», — kaža hołas, padobny da hołasa Railčanki.
«Heta była schodka zdradnikaŭ, pletkaroŭ i łatentnych kałabarantaŭ. Pra što havaryli ludzi, jakija ličać siabie lidarami hramadskaha mierkavańnia? Błohier Anton Šabašaŭ zajaviŭ, što palityka jamu niecikavaja, jaho cikavić zabaŭlalny kantent. Inšaja ŭdzielnica skazała, što joj abyjakavyja i palityka, i zabaŭlalščyna, joj by hrant atrymać. Samym zapaminalnym byŭ vystup ab anatamičnych asablivaściach naradžeńnia dziaciej. Heta śmiešna i baluča.
Chłopcy, vy surjozna źbirajeciesia vieści infarmacyjnuju vajnu suprać «Biełsata» i Puciły? Da jany vas jak kurapatak, vašymi ž rukami. Vy prosta nievierahodnyja. Na mierapryjemstvie byŭ hość z Rasii, i viedajecie, jak jon apisaŭ svaje ŭražańni: «Jak vam atrymałasia ŭ adnym miescy sabrać stolki frykaŭ?» Padumajcie ab hetym uražańni niezacikaŭlenaha čałavieka», — kaža Holikaŭ.
Čytajcie jašče: Rychtuje miortvych da pachavańnia i abjadnoŭvaje jabaciek-influjensieraŭ. Što viadoma pra błohiera Holikava?
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ8
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary