Ksiondz Uładzisłaŭ Zavalniuk ładzić pilihrymku ŭzdoŭž miežaŭ Biełarusi ź ikonami Baharodzicy
Parafija śviatoha Symona i śviatoj Aleny ŭ Minsku (Čyrvony kaścioł) pa inicyjatyvie probašča-ksiandza Uładzisłava Zavalniuka arhanizuje pilihrymku pa Biełarusi z kopijami najbolš słavutych siarod katolikaŭ našaj krainy abrazoŭ Baharodzicy.
Pilihrymka ŭzhodniena z adpaviednymi ŭładami. Raspačniecca jana ŭ Hrodnie 12 červienia. U hrodzienskuju baziliku śviatoha Franciška Ksavieryja ź Minska buduć pryviezienyja kopii najbolš šanavanych siarod katolikaŭ Biełarusi abrazoŭ Maci Božaj. Mnohija z hetych ikon ušanoŭvajucca taksama pravasłaŭnymi, piša catholic.by.
Potym kopii abrazoŭ buduć aŭtamabilnymi darohami praviezienyja ŭzdoŭž miežaŭ našaj krainy. Pa prośbie biełaruskaha jepiskapatu, pilihrymka budzie ździajśniacca vyklučna na aŭtamabilach. Paśla zakančeńnia pilihrymki abrazy buduć znachodzicca ŭ hrodzienskaj kafiedry na praciahu tydnia.
Kamientujučy svaju inicyjatyvu, ksiondz Uładzisłaŭ Zavalniuk padkreśliŭ: «Balić serca, kali baču, što pilihrymki nie iduć u Budsłaŭ. Na heta jość šmat pryčyn. Pakul niama pilihrymak, pilihrymujuć kopii ikon. Heta simvał taho, što my chacieli b zrabić, ale pakul nie možam. Molimsia ab chutčejšym adnaŭleńni Budsłaŭskaha sanktuaryja. Darohi da Baharodzicy nie zabyvajucca», — śćvierdziŭ śviatar.
Aśviačeńnie kopij abrazoŭ adbudziecca pierad pracesijaj u parafii Najśviaciejšaj Trojcy (śviatoha Rocha) na Załatoj Horcy, jakaja projdzie ŭ Minsku 6 červienia (niadziela) a 10-j hadzinie ranicy.
-
Biełaruskuju movu na ispytach vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty
-
«Na adčuvalnyja temy — tolki doma abo kali hulaješ pieššu. Heta ciapier baza». Biełarusy raskazali pra samacenzuru ŭ ich žyćci
-
U Brest prybłukaŭ małady łoś VIDEA
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary