Što treba viedać, kali vy pačynajecie prymać vitaminy

Bijadadatki, u tym liku vitaminy i minierały — nadzvyčaj papularnaja reč u naš čas. Ale jość šmat faktaŭ, jakija treba ŭličvać pierad tym, jak pačynać ich prymać.

Kali vy vykarystoŭvajecie vitaminy bieśsistemna abo biez kansultacyi z doktaram, vy možacie narabić pamyłak, jakija praź niejki čas drenna paŭpłyvajuć na zdaroŭje. Važna, jakija vitaminy i ź jakoj ježaj vy prymajecie, tłumačyć Huffpost.

Pierš za ŭsio, nie kožnamu treba prymać bijadadatki. Lepš za ŭsio, kali čałaviek atrymlivaje asnoŭnyja vitaminy i minierały z paŭnavartasnaj dyjety, bo tady arhanizm ich lepš zasvojvaje. Ale, kali ŭ arhaniźmie isnuje deficyt niejkaha rečyva, časam ciažka abyścisia bieź bijadadatkaŭ.

Zaraz niama navukovych dokazaŭ, što, kali prymać vitaminy ŭ kankretny čas sutak, heta pavialičyć ich efiektyŭnaść. Adnak režym tut usio roŭna važny, bo pryjom bijadadatkaŭ patrabuje sistemnaści.

Tym nie mienš, miedyki rajać pasprabavać prymać vodarastvaralnyja vitaminy, nakštałt vitaminaŭ hrupy V, ranicaj. Lepiej za ŭsio jany zasvojvajucca na hałodny straŭnik, tamu varta ich pić za hadzinu da śniadanku abo praź dźvie hadziny paśla. Jość mierkavańnie, što takija vitaminy treba prymać ranicaj pry pieršaj mahčymaści, tamu što niekatoryja vitaminy hrupy V mohuć pieraškadžajuć snu.

Tłuščarastvaralnyja vitaminy, naprykład, vitaminy A, D i E, paśla zasvajeńnia zachoŭvajucca ŭ tłuščavych kletkach. Bolšaści ludziej nie treba prymać ich dadatkova, bo naša zvyčajnaja ježa, asabliva sadavina i harodnina, źmiaščaje šmat tłuščarastvaralnych vitaminaŭ. Bolš za toje, vialikija dozy takich vitaminaŭ mohuć uździejničać na arhanizm taksična.

Pavialičyć

Kali ž čałavieku ŭsio roŭna treba prymać hetyja vitaminy, naprykład, vitamin D, lepiej za ŭsio rabić heta razam ź ježaj. Dobra, kali takaja ježa budzie bahataja na karysnyja tłuščy abo alej. Heta moža być, naprykład, tost z avakada abo syr. Moža pasprabavać prymać tłuščarastvaralnyja vitaminy padčas śniedańnia abo bližej da abiedu.

Kali razmova idzie pra multyvitaminy, hetyja preparaty časta sumiaščajuć u siabie vodarastvaralnyja i tłuščarastvaralnyja vitaminy, a taksama minierały, naprykład žaleza, miedź i kalcyj. Roznyja kampanienty multyvitaminaŭ lepiej prymać u rozny čas, ale ahulnaja parada dla takich preparataŭ hučyć tak — pasprabujcie pić ich prykładna ŭ toj ža čas, kali vy prymajecie ježu.

• 1
• 0
• 0
• 0
• 0
• 0
• 0
• 0