Nie vyjdzie na svabodu paśla 30 sutak były pamočnik prakurora Pieršamajskaha rajona Minska Jaŭhien Babak — jon staŭ padazravanym pa kryminalnaj spravie
Jaho padazrajuć u arhanizacyi i padrychtoŭcy dziejańniaŭ, jakija hruba parušajuć hramadski paradak, abo ŭ aktyŭnym udzieł u ich (342 artykuł).
Pra heta śledčy pa spravie paviedamiŭ mamie Jaŭhiena.
Babak staŭ viadomy tym, što vykanaŭ svoj słužbovy doŭh u žniŭni 2020-ha, inicyjavaŭšy pravierku ludziej u formie DAI, jakija pa-źviersku źbivali bajkieraŭ nočču 11 žniŭnia. Pravierka ni da čaho nie pryviała, a sam Babak zvolniŭsia.
Babak pachodzić ź vioski Piečyščy ŭ Śvietłahorskim rajonie, tam jon skančaŭ škołu. Jaho baćka byŭ u kałhasie ahranomam, maci — buchhałtaram u dziciačym domie. Svajaki kažuć, što ź dziacinstva jaho chvalavali hłabalnyja prablemy, kštałtu abarony navakolla, palapšeńnia śvietu, pakoj byŭ zavaleny knihami.
Paśla skančeńnia jurfaka Babak pajšoŭ u prakuraturu i rabotu svaju lubiŭ, zvalnieńnie dałosia jamu niaprosta. Svajaki kažuć, što jon raźličvaje viarnucca ŭ prakuraturu paśla adnaŭleńnia zakonnaści ŭ krainie.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary