Biełaruskija pamiežniki na miažy z Ukrainaj zatrymali dvuch udzielnikaŭ «karahodnaj spravy» ŭ Breście
Maładyja ludzi źbiralisia pakinuć krainu.
Zatrymanyja — 35-hadovy Andrej Aniskievič i 25-hadovy Illa Pałchoŭski, ź piataj «karahodnaj dziasiatki» ŭ Breście.
Aniskievič atrymaŭ paŭtara hoda chimii, Pałchoŭski — dva hady chimii. Jany vyrašyli nie adbyvać pakarańnie, a pierabiehčy miažu Biełarusi i Ukrainy. Uziali z saboj leśvicu, kab pieraleźci praź sihnalizacyjny kompleks, ale ich zatrymali i identyfikavali.
Zaraz jany buduć dastaŭlenyja ŭ Brest dla adbyćcia pakarańnia.
Nahadajem, što 13 vieraśnia minułaha hoda ŭ Breście adbyvałasia čarhovaja pratesnaja akcyja. Ludzi maršam prajšli pa prajeznaj častcy praśpiekta Mašerava i spynilisia na jaho skryžavańni z bulvarami Kasmanaŭtaŭ i Šaŭčenki. Niekalki socień asob utvaryli karahod. Była muzyka, śviata, nibyta karnavał — tak zhadvajuć tyja padziei vidavočcy. Razhaniać karahod pryjechaŭ vadamiot.
Pa hetaj spravie ŭžo asudžanyja niekalki dziasiatkaŭ čałaviek, a sudziać adrazu cełymi hrupami.
Kamientary