Hod tamu źjaviŭsia list sparstmienaŭ za novyja vybary i suprać hvałtu
Dziejańni ŭładaŭ paśla prezidenckich vybaraŭ asudzili bolš za dźvie tysiačy pradstaŭnikoŭ sportu. Jany padpisali adkryty list z zaklikam spynić hvałt, vyzvalić usich palitviaźniaŭ i pravieści paŭtornyja vybary.
Siarod pieršych list padpisali Kanstancin Jakaŭleŭ, Kaciaryna Snycina, Alena Leŭčanka, Mikita i Jahor Mieščarakovy, Ściapan Papoŭ, Alaksandra Hierasimienia, Artur Udrys dy inšyja.
Spartoŭcy navat vychodzili na demanstracyi asobnaj kałonaj z płakatami.
«Za svajo žyćcio ja nikoli nie hałasavała na vybarach. Zaŭsiody ličyła, što moj hołas ničoha nie vyrašyć, ale hety žnivień źmianiŭ majo mierkavańnie ab samoj sabie. Vy ŭsie bačyli fatahrafiju, jakaja źjaviłasia praz paru dzion paśla hałasavańnia: dziadula, ścisnuŭšy kułaki, staić nasuprać bajca AMAPa. Ubačyŭšy jaje, ja zrazumieła: ja bajusia nie taho, što moj hołas ničoha nie źmienić, jak sama siabie supakojvała, a taho, što kali chacieć čahości bolšaha dla krainy, dla siabie jak hramadzianina, to stanie tolki horš. Što kali pajści suprać sistemy, to hetaja sistema mianie złomić.
Ale my ŭsie ŭ hetym žyćci robim vybar, i ja vybrała bolš nie maŭčać pra toje, što adbyvajecca. Nie čakać, pakul inšyja zmahajucca za lepšaje žyćcio, a jak hety dziadula, ścisnuŭšy kułaki, z rašučaściu na tvary, choć i strašna, ale stajać za svajo prava chacieć pieramien, za prava na lepšaje žyćcio», — kazała tady Kaciaryna Snycina.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary