Jak praca ŭ sacsietkach dapamahła Talibanu viarnuć kantrol nad Afhanistanam
Anłajn-supołki nie prosta vykarystoŭvajucca dla prapahandy, ale i dapamahajuć u pošukach srodkaŭ i navabrancaŭ.
Paśla 20 hadoŭ baraćby z vojskami zachodnich krain i nacyjanalnaj armijaj Afhanistana Taliban uziaŭ krainu pad kantrol — na heta jamu spatrebiłasia dva tydni. Hetamu spryjała šmat faktaraŭ: supiarečlivaje mirnaje pahadnieńnie, niedachop palityčnaj voli ŭ byłych kiraŭnikoŭ krainy i niastrymnaja karupcyja.
Ale nielha niedaaceńvać i sučasnuju miedyjastratehiju, jakuju zaraz prapanavaŭ Taliban. U minuły pieryjad kiravańnia krainaj (1996-2001) ruch staviŭsia da miedyja pa-inšamu: Internet i muzyka byli pad zabaronaj, hramadzianam krainy było zahadana nie hladzieć telebačańnia. Adnak paśla akupacyi Afhanistana vojskami zachodnich krain taliby pamianiali svoj pohlad na ŚMI, piša ahladalnica Guardian Vida Miechran.
Usio pačałosia ŭ 2003 hodzie sa stvareńnia radyjostancyi «Hołas šaryjatu», u jakoj źjaviŭsia aficyjny sajt pad nazvaj Al Emarah. Hety resurs, na jakim publikujuć vajennyja naviny i zajavy ruchu, i siońnia źjaŭlajecca jaho aficyjnym sajtam. Paźniej taliby pačali pašyrać svaju prysutnaść u siecivie i zasnavali anłajn-vydańni na roznych movach, pryčym ad movy resursu zaležyć toje, čamu jon budzie pryśviečany.
Ale va ŭsich vydańniach talibaŭ jość i niešta ahulnaje. Heta
imknieńnie pradstavić Taliban jak žyćciazdolnuju alternatyvu aficyjnamu kabulskamu ŭradu, a taksama padtrymka afhanskaj samaidentyčnaści.
Taki padychod spryjaŭ tamu, što ruch atrymaŭ vialikuju padtrymku siarod niekatorych płastoŭ hramadstva, u tym liku siarod relihijnych dziejačaŭ i starejšyn. U apošnija tydni hetyja sajuźniki talibaŭ adyhrali važnuju rolu: jany šmat u čym upeŭnili afhanskich čynoŭnikaŭ i vojski zdacca Talibanu zamiest taho, kab zmahacca ź im.
Ruch taksama zdoleŭ skarystacca madernizacyjaj krainy i tym, što amal usie afhancy zaraz majuć dostup u Internet. Taliban navat prysutničaje ŭ miesiendžarach: dadatki nakštałt WhatsApp i Telegram dapamahajuć adeptam ruchu źviazvacca pamiž saboj, kaardynavać apieracyi i padtrymlivać kantakt z žurnalistami. U rajonach, zaniatych talibami, vykarystańnie WhatsApp taksama dapamahaje im arhanizoŭvać siervisy nakštałt haračych linij.
Miedyjastratehija Talibana akazałasia paśpiachovaj, bo ruch zdoleŭ dastaŭlać infarmacyju i dzialicca svaim pohladam na rečy chutčej, čym aficyjnaja ŭłada Afhanistana i vojski zachodnich krain. Heta vielmi dapamahło ŭ situacyi z vyvadam vojsk SŠA — praz svaje kanały Taliban pradstaviŭ dziejańni amierykancaŭ jak svaju pieramohu i pačatak kanca aficyjnych afhanskich uładaŭ. Heta demaralizavała siły biaśpieki krainy i častkova spryjała ich niežadańniu zmahacca z talibami.
Paśla zachopu Kabuła taliby zapuścili pijar-kampaniju z metaj dystancyjavacca ad minułaha imidžu ruchu. Ciapier Taliban bolš kaža pra biaśpieku dla ŭsich afhancaŭ.
Pradstaŭniki ruchu naniali ŭpłyvovych videabłohieraŭ z tysiačami padpisčykaŭ, jakija ciapier buduć raskazvać pra žyćcio ŭ Kabule pry talibach i dapamohuć stvaryć pazityŭny imidž ruchu.
Ale mahčyma, što sacsietki taksama dapamohuć razburyć Taliban: jak minimum, zaraz takija płatformy — adzinaja mahčymaść dla afhancaŭ vykazać svajo mierkavańnie pa situacyi ŭ krainie.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary