Niepaŭnaletniaha palitviaźnia Mikitu Załatarova 13 dzion trymali ŭ ŠIZA
17-hadovaha Mikitu Załatarova, chvoraha na epilepsiju, 13 dzion trymali ŭ štrafnym izalatary kałonii dla niepaŭnaletnich u Babrujsku. Pra heta BiełaPAN paviedamiŭ baćka padletka Michaił Łapunoŭ.
17 kastryčnika Mikita patelefanavaŭ z kałonii i raspavioŭ, što spačatku jon atrymaŭ 7 sutak ŠIZA, zatym jaho vyvieli ŭ kalidor i zaviali nazad u izalatar jašče na 6 sutak.
«Jak ja zrazumieŭ, jaho pazbavili spatkańnia. Jon prasiŭ pasyłku, ciapier źbirajem», — dadaŭ Łapunoŭ.
2 kastryčnika maci Mikity pryjechała da jaho ŭ kałoniju na zapłanavanaje spatkańnie, ale jaje nie puścili,pieradaču dla syna nie pryniali.
Mikitu Załatarova zatrymali ŭ Homieli 11 žniŭnia 2020 hoda. Tady jamu było 16 hadoŭ. Padletka abvinavacili va ŭdziele ŭ masavych biesparadkach. U lutym jaho asudzili na 5 hadoŭ. A ŭ lipieni druhi sud za «hvałt nad milicyjaj» — napad na supracoŭnikaŭ SIZA —daŭ chłopcu jašče 1,5 hoda.
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary