«Vyhladaje, što tam budzie sproba siłavoha pierachodu miažy». Reakcyja polskaha boku na masavuju kałonu mihrantaŭ u Bruzhach
Da pierachodu Bruzhi, što na miažy z Polščaj, siońnia kałonaj pryjšli sotni mihrantaŭ. Jany išli prosta pa trasie, ale potym ludźmi ŭ vajskovaj formie z sabakami byli skiravanyja ŭ les. Takoha arhanizavanaha šeścia padčas mihranckaha kryzisu ŭ krainie jašče nie było.
Vice-ministr zamiežnych spravaŭ Polščy Piotr Vaŭžyk u efiry Polskaha radyjo skazaŭ, što siońnia na miažy z Polščaj rychtavałasia vialikaja pravakacyja.
— Pa toj bok miažy jość žadańnie vyklikać vialiki incydent, pažadana sa strełami i śmiarciami, — skazaŭ jon u efiry Polskaha radyjo. — Vyhladaje, što tam budzie sproba siłavoha pierachodu miažy.
Čytajcie taksama:
Vialiki natoŭp mihrantaŭ pryjšoŭ da biełaruska-polskaj miažy. Što adbyvajecca?
Pres-sakratar ministra-kaardynatara śpiecsłužbaŭ Polščy Stanisłaŭ Žaryn u Twitter napisaŭ pra padrychtoŭku masavaha šturmu polskaj miažy:
«Vielmi tryvožnaja infarmacyja ź miažy. U Biełarusi, niedaloka ad miažy z Polščaj, sabrałasia vialikaja hrupa mihrantaŭ. Jany tolki što rušyli ŭ bok polskaj miažy. Jany pasprabujuć masava prajści ŭ Polšču. U hrupie bolšaść — maładyja mužčyny. Pačałasia najbujniejšaja sproba siłavoha ŭvarvańnia ŭ Polšču».
Kolejne informacje pokazują, że grupa jest pod ścisłą kontrolą uzbrojonych Białorusinów. To oni decydują, którędy przemieszcza się grupa.
To kolejna wroga białoruska akcja wymierzona w Polskę. https://t.co/K9mqSEvvJc
«Dadatkovaja infarmacyja śviedčyć ab tym, što hrupoŭka znachodzicca pad strohim kantrolem uzbrojenych biełarusaŭ. Jany vyrašajuć, u jakim napramku pojdzie hrupa», — dadaŭ jon.
Polski bok zapeŭnivaje, što kirujuć kałonaj mihrantaŭ biełaruskija vajskoŭcy.
Białoruskie wojsko kieruje wszystkich migrantów do lasu. pic.twitter.com/YW82zxVVX0
Cała operacja pod zupełną kontrolą zielonych ludzików Łukaszenki. Białoruś to dziś państwo agresor, prawdziwy ZBiR zarabiający na ludzkich tragediach. pic.twitter.com/OpxOSUPBSS
Surazmoŭcy ź siłavych viedamstvaŭ paviedamili partału wPolityce.pl, što słužby byli hatovyja da novaj eskałacyi.
«My padrychtavanyja. Na praciahu niekalkich dzion my nazirajem za pieramiaščeńniem mihrantaŭ i aktyvizacyjaj biełaruskich słužbaŭ. My nazirajem za imi. My ŭśviedamlajem, što Łukašenka bolš kancentravana «vypuskaje» imihrantaŭ z haradoŭ i pieravodzić ich na miažu. My nad imi «latajem». Ni kroku nazad», ‒ skazaŭ surazmoŭca.
Ministr abarony Polščy Maryuš Błaščak paviedamiŭ, što 12 tysiač polskich vajskoŭcaŭ pryviedzienyja ŭ poŭnuju bajavuju hatoŭnaść dla abarony miažy. Raniej paviedamlałasia, što na polskaj miažy skancentravana 9 tysiač polskich vajskoŭcaŭ.
Siońnia Polšča praviadzie terminovuju antykryzisnuju naradu pa situacyi ź mihrantami na miažy ź Biełaruśsiu z udziełam premjera-ministra, ministra ŭnutranych spraŭ i ministra abarony Polščy.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary