«Situacyja napružanaja, tryvožnaja»: Piaskoŭ pra stanovišča na biełaruska-polskaj miažy
Kreml spadziajecca, što situacyja na miažy Biełarusi i Polščy nie pryviadzie da pahroz dla biaśpieki Rasii, paviedamiŭ žurnalistam u aŭtorak pres-sakratar prezidenta RF Dźmitryj Piaskoŭ.
«My bačym, što adkazna pracujuć biełaruskija śpiecyjalisty. Spadziajomsia, što nijakim čynam heta nie prymie formu, jakaja budzie źjaŭlacca pahrozaj dla našaj biaśpieki», — skazaŭ Piaskoŭ.
Jon dadaŭ, što Minsk i Maskva znachodziacca ŭ pastajannym kantakcie, u tym liku pa linii śpiecsłužbaŭ. «Tamu, viadoma, abmien infarmacyjaj idzie», — skazaŭ Piaskoŭ.
Kamientujučy situacyju ź mihrantami na miažy Polščy i Biełarusi, Piaskoŭ zajaviŭ, što samaje hałoŭnaje — žyćcio i zdaroŭje ludziej, što tam sabralisia.
«Situacyja, biezumoŭna, napružanaja, tryvožnaja — heta patrabuje adkaznych pavodzin usich bakoŭ, jakija majuć da hetaha dačynieńnie.
I, viadoma, u hetaj situacyi samaje hałoŭnaje, usio ž taki, žyćcio i zdaroŭje tych ludziej, vialikaj kolkaści ludziej, jakija sabralisia la miažy — jany patrabujuć propusku praź miažu, sprabujuć praniknuć praź miažu, jany patrabujuć prytułku ŭ Polščy, na terytoryi Polščy — mnohija adkryta pra heta kažuć. My vielmi ŭvažliva nazirajem za hetym», — cytuje Piaskova ria.ru.
Situacyja na miažy. Što viadoma na dadzieny momant
Delfi: Sotni nielehałaŭ pierakinuli na miažu ź Litvoj
Niamieččyna prosić ES ab dapamozie ŭ vyrašeńni kryzisu na biełaruska-polskaj miažy
«Susiedzi mohuć pajści na časovuju błakadu miežaŭ navat u handlovych metach». Da čaho jašče moža pryvieści abvastreńnie mihracyjnaha kryzisu?
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary